ربّنا یا ربّنا یا ربّنا یا ربّنا
صرف تو ہے لائقِ حمد و ثنا یا ربّنا
Rabbana ya rabbana ya rabbana ya rabbana
Sirf tu hai laiq-e-hamd o sana ya rabbana
لفظِ ”کن“ سے دونوں عالم تو نے ہی پیدا کیے
تیری قدرت عقل سے ہے ماورا یا ربّنا
Lafz-e "kun" se donon aalam tu ne hi paida kiye
Teri qudrat aql se hai mawra ya rabbana
عالمِ امکان کو تو نے سجایا خوب ہے
تو نے بخشی چاند، تاروں کو ضیا یا ربّنا
Aalam-e-imkaan ko tu ne sajaya khoob hai
Tu ne bakshe chaand, taron ko ziya ya rabbana
اول و آخر بھی تو ہے، ظاہر و باطن بھی تو
تیری کچھ ہے ابتداء نے انتہا یا ربّنا
Awwal o aakhir bhi tu hai, zahir o baatin bhi tu
Teri kuch hai ibtida nay inteha ya rabbana
خالقِ لوح و قلم، اے صانعِ کون و مکاں
تو ہی تو ہے مالکِ ہر دوسرا یا ربّنا
Khaaliq-e-loh o qalam, ae sania-e-kaun o makaan
Tu hi tu hai maalik-e-har dosra ya rabbana
قادر و قیّوم بھی، معبود بھی، مسجود بھی
ساری دنیا تجھ کو کہتی ہے خدا یا ربّنا
Qadir o qayyum bhi, mabood bhi, masjood bhi
Saari duniya tujh ko kehti hai Khuda ya rabbana
تو انیسِ بیکساں ہے، تو کریم و کارساز
اہلِ حاجت کا تو ہی حاجت روا یا ربّنا
Tu anees-e-bekasaan hai, tu kareem o kaarsaz
Ahl-e-haajat ka tu hi haajat rawa ya rabbana
تیری ہیبت سے ملائک کانپتے ہیں دم بدم
تو ہے بے شک قاہر و فرماں روا یا ربّنا
Teri haibat se malaaik kaampte hain dam ba dum
Tu hai be shak qaahir o farmaan rawa ya rabbana
آیتِ ”الحمد“ سے یہ راز ظاہر ہو گیا
صرف تو ہے لائقِ حمد و ثنا یا ربّنا
Aayat-e "alhamd" se ye raaz zahir ho gaya
Sirf tu hai laiq-e-hamd o sana ya rabbana
ذرّہ ذرّہ، قطرہ قطرہ، منہمک تسبیح میں
مچھلیاں دریاؤں کی محوِ ثنا یا ربّنا
Zarra zarra, qatra qatra, munhamaq tasbeeh mein
Machhiliyan daryaon ki mahw-e-sana ya rabbana
ماں سے زیادہ تو شفیق و مہرباں مخلوق پر
سب کو حاصل تیری رحمت کی ردا یا ربّنا
Maan se zyada tu shafiq o mehrbaan makhluq par
Sab ko haasil teri rehmat ki rida ya rabbana
شکر تیرا سارے عالم پر بڑا احساں کیا
بھیج کر تو نے محمد مصطفیٰﷺ یا ربّنا
Shukr tera sare aalam par bara ehsaan kiya
Bheej kar tu ne Muhammad Mustafa ﷺ ya rabbana
اپنے پیغمبر محمد مصطفی کے واسطے
دور کر سر سے مصیبت کی گھٹا یا ربّنا
Apne paighambar Muhammad Mustafa ke wastay
Door kar sar se museebat ki ghata ya rabbana
خوگرِ حمد و ثنا احمدؔ کو اپنے اب بنا
کاش ہر دم ہو زباں پر ربّنا یا ربّنا
Khogir-e-hamd o sana Ahmedؔ ko apne ab bana
Kaash har dam ho zabaan par rabbana ya rabbana
Share This Naat
Share with friends and family
ربّنا یا ربّنا یا ربّنا یا ربّنا
مولانا طفیل احمد مصباحی