اُٹھا کے ہاتھ اُسی کو پکارتا ہوں میں
مقام جس کا ہے میری رگِ حیات کے پاس
Utha ke haath usi ko pakarta hoon mein
Maqaam jis ka hai meri rag-e-hayat ke paas
کیا یہ خاص کرم اس نے نوعِ انساں پر
بنا دیا جو حبیبؐ اپنا غمگسارِاناس
Kya ye khaas karam us ne no-e-insan par
Bana diya jo Habeeb apna ghamgusar-e-annas
حبیبؐ وہ جو بنا کائنات کا نوشاہ
رسوؐل وہ جو ہُوا اس کی شان کا عکاّس
Habeeb wo jo bana kainaat ka noshah
Rasool wo jo huwa us ki shaan ka akkaas
حبیبؐ وہ جو محّمدؐ بھی ہے تو احمدؐ بھی
سکھاگیا جو خدائی کو حمد و شکر و سپاس
Habeeb wo jo Muhammad bhi hai to Ahmed bhi
Sikhagaya jo Khudai ko hamd o shukar o sipas
نبیؐ وہ جس کے لیے محملِ زمانہ رکا
نبیؐ وہ جس نے کیا لا مکان میں اجلاس
Nabi wo jis ke liye mahmil-e-zamana raka
Nabi wo jis ne kiya la makaan mein ijaalas
کتاب اُس پہ اتاری تو وہ کتابِ مُبیں
جو نورِرُشد و ہدایت ہے، قاطعِ وسواس
Kitaab us pe utaari to wo kitab-e-mubeen
Jo noor-e-rushd o hidayat hai, qate-e-waswas
اُسی نے مدحِ رسالت مآبؐ کی خاطر
دیا گداز لب و لہجہ کو، زباں کو مٹھاس
Ussi ne madh-e-rasalat maab ki khaatir
Diya gudaaz lab o lehja ko, zabaan ko mithaas
کرم ہو شاملِ حال اُس کا تو ہے اک نعمت
وگرنہ کربِ مسلسل ، طبیعتِ حسّاس
Karam ho shaamil-e-haal us ka to hai ek naimat
Wagarna karb-e-musalsal, tabiyat-e-hassas
کوئی قریب سے کہتا ہے میں ہوں تیرے ساتھ
ہجوِم غم میں کسی وقت بھی جو دل ہواُداس
Koi qareeb se kehta hai mein hoon tere saath
Hajoom-e-gham mein kisi waqt bhi jo dil hua udaas
تسلّیاں مجھے ہر آن کوئی دیتا ہے
نہ کر سکیں گے ہراساں مجھے کبھی غم ویاس
Tasalliyan mujhe har aan koi deta hai
Na kar sakenge hiraasaan mujhe kabhi gham o yaas
عجیب ذکرِ الہٰی میں ہے اثر تائبؔ
مٹائے زیست کی تلخی ، بجھائے روح کی پیاس
Ajeeb zikr-e-ilahi mein hai asar Taib
Mitaye zeest ki talkhi, bujhaye rooh ki pyaas
Share This Naat
Share with friends and family
اُٹھا کے ہاتھ اُسی کو پکارتا ہوں میں
حفیظ تائب