اٹھا کر ہاتھ لوگوں میں دُعائیں بانٹ دیتا ہے
وہ سُورج کی طرح اپنی شعاعیں بانٹ دیتا ہے
Utha kar haath logon mein duayen baant deta hai
Woh sooraj ki tarah apni shuaayen baant deta hai
اتر جاتی ہے جب لفظوں کے سر سے نور کی چادر
وہ خوشبو سے دھلی ان میں ردائیں بانٹ دیتا ہے
Utar jaati hai jab lafzon ke sar se noor ki chadar
Woh khushbu se dhuli un mein radaayen baant deta hai
کسی بستی کے اندر جب اندھیرے سر اٹھاتے ہیں
وہ اُس بستی میں کتنی ہی ضیائیں بانٹ دیتا ہے
Kisi basti ke andar jab andheray sar uthate hain
Woh us basti mein kitni hi ziayen baant deta hai
بچا کر شام تک کچھ بھی نہیں رکھتا خزانوں میں
وہ دونوں ہاتھ سے اپنی عطائیں بانٹ دیتا ہے
Bacha kar shaam tak kuch bhi nahi rakhta khazanon mein
Woh dono haath se apni atayen baant deta hai
زیادہ منتظر رکھتا نہیں صحرا نشینوں کو
وہ ٹھنڈی اور جاں پرور ہوائیں بانٹ دیتا ہے
Ziada muntazir rakhta nahi sehra nasheenon ko
Woh thandi aur jaan parwar hawayein baant deta hai
زمیں کے باسیوں میں عرش سے اتری ہوئی انجم
کُھلے دل سے وہ جنت کی فضائیں بانٹ دیتا ہے
Zameen ke basiyon mein arsh se utri hui anjum
Khule dil se woh jannat ki fazaayen baant deta hai
Share This Naat
Share with friends and family
اٹھا کر ہاتھ لوگوں میں دُعائیں بانٹ دیتا ہے
انجم نیازی