تین روزہ اجتماعِ پاک کے مُلتان میں
ہر طرف سے آرہے ہیں قافلے ملتان میں
Teen roze ijtima-e-pak ke Multan mein
Har taraf se aarahe hain qaflay Multan mein
آٓج’’ صحرائے مدینہ‘‘ میں ہے کیاآئی بہار
چار سُو ہیں رحمتوں کے گُل کِھلے ملتان میں
Aaj "sahraye Madina" mein hai kya aai bahar
Chaar soo hain rehmaton ke gul khiley Multan mein
بینَ الاقوامی ہمارا اجتماعِ پاک ہے
ہیں کئی ملکوں سے آئے قافلے ملتان میں
Bain al-aqwami hamara ijtima-e-pak hai
Hain kai mulkon se aaye qaflay Multan mein
اجتِماعِ پاک یارب! ابتِدا تا انتہا
خیرسے ہو خیرسے ہو خیرسے ملتان میں
Ijtema-e-pak yarab! ibtida ta inteha
Khayr se ho khayr se ho khayr se Multan mein
مَیلے منصوبے عَدُوکے خاک میں مل جائیں سب
دے تحفُّظ یاخدا اشرار سے ملتان میں
Maile mansoobe ado ke khaak mein mil jayein sab
Day tahaffuz ya Khuda ashrar se Multan mein
یارسولَ اللہ کے نعروں کی ہر سُو د ھوم ہے
چار سو رحمت کے بادَل چھاگئے ملتان میں
Yarasool Allah ke naron ki har soo dhoom hai
Chaar soo rehmat ke badal chhagaye Multan mein
درگہ و دربار ہو یا کوچہ و بازار ہو
جس طرف دیکھو عِمامے ہیں ہرے ملتان میں
Dargah o darbar ho ya koocha o bazaar ho
Jis taraf dekho imame hain hare Multan mein
گھر میں چُوہے بھی توگُھستے ہیں ٹھگوں سے ہوشیار!
اپنی چیزوں کی حفاظت بھی رہے ملتان میں
Ghar mein choohay bhi toh ghustay hain thagon se hoshiyaar!
Apni cheezon ki hifazat bhi rahe Multan mein
نکھرا نکھرا ہے سماں ہر سَمت ہے چھائی بہار
یاں خَزاں کا کام کیا کیسے رہے ملتان میں
Nikhra nikhra hai samaan har samt hai chhai bahar
Yaan khazan ka kaam kya kaise rahe Multan mein
اولیا کا ہے مدینہ رَحمتیں ہیں ہر قدم
کوئی بھی محروم پھر کیوں کر رہے ملتان میں
Oliya ka hai Madina raHmatein hain har qadam
Koi bhi mehroom phir kyun kar rahe Multan mein
اِنْ شَاءَ اللہ میں بھی جاؤں گا مِرے اَحباب بھی
تم نہیں چلتے ہو کیوں بھائی ارے ملتان میں
In Sha Allah main bhi jaoon ga mere ahbab bhi
Tum nahi chalte ho kyun bhai aray Multan mein
ہرطرف کہتے پھرو ایک ایک کو دعو ت یہ دو
اجتماعِ پاک میں آپ آئیے ملتان میں
Hartaraf kehte phiro aik aik ko dawat yeh do
Ijtema-e-pak mein aap aaiye Multan mein
نیّتیں کر لو، کریں گے اِنفِرادی کوششیں
اور ملیں گے بڑھ کے خود ہر ایک سے ملتان میں
Niyatain kar lo, karain ge infiraadi koshishein
Aur milein ge barh ke khud har aik se Multan mein
سب کرو نیّت، کریں گے قافلو ں میں ہم سفر
اب بہت سارے بنیں گے قافِلے ملتان میں
Sab karo niyat, karain ge qaflon mein hum safar
Ab bohot saaray banain ge qaflay Multan mein
’’مجلسِ شوریٰ‘‘ کا جو بھی ہے وفادار اے خدا
ابرِرَحمت اس پہ برسا زور سے ملتان میں
"Mujlis-e-Shura" ka jo bhi hai wafadaar ay Khuda
Abr-e-rehmat us pe barsa zor se Multan mein
یاخدا وہ حج کرے میٹھا مدینہ دیکھ لے
غور سے ہر اک بیاں جو بھی سنے ملتان میں
Ya Khuda woh Hajj kare meetha Madina dekh le
Ghor se har ek bayan jo bhi sune Multan mein
چور ڈاکو آگئے آکر ہِدایت پا گئے
بے نَماز آکر نَمازی بن گئے ملتان میں
Chor daku aagaye akar hidayat paa gaye
Be-namaaz akar namaazi ban gaye Multan mein
سنّتوں سے سب کے چہرے جگمگائیں گے یہاں
اِنْ شَاءَ اللہ مصطَفٰے کے فیض سے ملتان میں
Sunnaton se sab ke chehre jagmagayein ge yahan
In Sha Allah Mustafa ke faiz se Multan mein
سنّتوں کی تربیت کے خوب مدنی قافلے
چار سُو ہوں گے روانہ خیر سے ملتان میں
Sunnaton ki tarbiyat ke khoob madni qaflay
Chaar soo honge rawana khair se Multan mein
’’مدنی انعامات‘‘ کی دھومیں مچاتے جائیں گے
سنّتوں کی تربیت کے قافلے ملتان میں
"Madni Inamaat" ki dhoomen machate jayenge
Sunnaton ki tarbiyat ke qaflay Multan mein
فضلِ رب سے اہلِ حق کا بعدِ حج سب سے بڑا
اجتماعِ پاک ہے یہ خیر سے ملتان میں
Fazl-e-rab se ahl-e-haq ka baada-e-hajj sab se bara
Ijtema-e-pak hai yeh khair se Multan mein
بخش دے یارب! سبھی کو اور ان کو بالخصوص
آئے ہیں کرنے سفر جو دور سے ملتان میں
Bakhsh de yarab! sabhi ko aur inko balkhusus
Aaye hain karne safar jo door se Multan mein
کاش! عشقِ مصطَفٰے میں یاخدا تڑپا کروں
آنکھ تیرے خوف سے روتی رہے ملتان میں
Kash! ishq-e-Mustafa mein ya Khuda tadpa karun
Aankh tere khauf se roti rahe Multan mein
رکنِ عالم اور بہاء الدّین کے صدقے خدا
ہو قبول اس کی دعا جو بھی کرے ملتان میں
Rukun-e-Alam aur Bahauddin ke sadqe Khuda
Ho qubool is ki dua jo bhi kare Multan mein
اِنْ شَاءَ اللہ ہر دعا عطار اب مقبول ہے
ہیں خدا کی رَحمتوں کے در کُھلے ملتان میں
In Sha Allah har dua Attar ab maqbool hai
Hain Khuda ki rehmaton ke dar khulye Multan mein
Share This Naat
Share with friends and family
تین روزہ اجتماعِ پاک کے مُلتان میں
الیاس عطار قادری