شَہَنْشاہِ بغداد یاغوثِ اعظم
سنو میری فریاد یاغوثِ اعظم
Shahenshah-e-Baghdad ya Ghaus-e-Azam
Suno meri faryad ya Ghaus-e-Azam
بُلا لیجے بغداد یاغوثِ اعظم
سنانی ہے رُوداد یاغوثِ اعظم
Bula lijiye Baghdad ya Ghaus-e-Azam
Sunani hai rudadh ya Ghaus-e-Azam
لگا کر مجھے اپنے قدموں سے مرشِد
مرا دل کرو شاد یاغوثِ اعظم
Laga kar mujhe apne qadmon se murshid
Mera dil karo shad ya Ghaus-e-Azam
ترے پاک جلووں سے یاپیر و مرشد
مرا دل ہو آباد یاغوثِ اعظم
Tere pak jalwon se ya peer o murshid
Mera dil ho abad ya Ghaus-e-Azam
پِلا جام ایسا سِوا تیرے آقا
نہ کچھ بھی رہے یاد یاغوثِ اعظم
Pila jaam aisa siwa tere aaqa
Na kuch bhi rahe yaad ya Ghaus-e-Azam
مرے قلب سے حُبِّ دنیا کی مرشِد
اُکھڑ جائے بُنیاد یاغوثِ اعظم
Mere qalb se hub-e-duniya ki murshid
Ukhad jaye buniyad ya Ghaus-e-Azam
رہے مجھ پہ میٹھی نظر مرشِدی گر
پڑے کچھ نہ اُفتاد یاغوثِ اعظم
Rahe mujh pe meethi nazar murshidi gar
Pade kuch na uftad ya Ghaus-e-Azam
ترے ہوتے یاپیر! رنج و الم کی کروں
کِس سے فریاد یاغوثِ اعظم
Tere hote ya peer! ranj o alam ki karun
Kis se faryad ya Ghaus-e-Azam
ترے در کے منگتے سب اَغواث و اَقطاب
اور اَبدال و اَوتاد یاغوثِ اعظم
Tere dar ke mangte sab aghwas o aqtad
Aur abdul o autad ya Ghaus-e-Azam
مکرّم شہا تیرے سارے کے سارے
ہیں آباء و اَجداد یاغوثِ اعظم
Muqaram shah tere sare ke sare
Hain aba o ajdad ya Ghaus-e-Azam
شہا کاش! در کا بنا لیتی کُتّا
مجھے تیری اولاد یاغوثِ اعظم
Shaha kash! dar ka bana leti kutta
Mujhe teri aulad ya Ghaus-e-Azam
رہیں شاد و آباد عالم میں میرے
سبھی گھر کے افراد یاغوثِ اعظم
Rahen shad o abad aalam mein mere
Sabhi ghar ke afrad ya Ghaus-e-Azam
مجھے پیارے گیارہ بھی بارہ بھی پچّیس
کے لگتے ہیں اعداد یاغوثِ اعظم
Mujhe pyare giyara bhi barah bhi pachis
Ke lagte hain adad ya Ghaus-e-Azam
عَدو قتل کرنے کے دَر پَے ہُوا ہے
مدد شاہِ بغداد یاغوثِ اعظم
Adu qatal karne ke dar pay huwa hai
Madad shah-e-Baghdad ya Ghaus-e-Azam
عَدو تومخالف تھے پہلے ہی سے اب
بڑھا زورِ حُسّاد یاغوثِ اعظم
Adu to mukhalif the pehle hi se ab
Barha zor-e-hussad ya Ghaus-e-Azam
گناہوں نے مجھ کو کہیں کا نہ چھوڑا
نہ ہو جاؤں برباد یاغوثِ اعظم
Gunahon ne mujh ko kahin ka na chhoda
Na ho jaoon barbad ya Ghaus-e-Azam
مجھے نفسِ ظالمِ پہ کر دیجے غالِب
ہو ناکام ہَمزاد یاغوثِ اعظم
Mujhe nafs-e-zalim pe kar dije ghalib
Ho nakaam hamzad ya Ghaus-e-Azam
دمِ نَزع دیدار کی بھیک دینا
چلے جاں مری شاد یاغوثِ اعظم
Dam-e-naz' deedar ki bheek dena
Chale jaan meri shad ya Ghaus-e-Azam
گَرفتارِ رنج و بلا یہ گدا ہے
کرو آکر آزاد یاغوثِ اعظم
Garaftar-e-ranj o bala yeh gada hai
Karo aakar azad ya Ghaus-e-Azam
’’یہ عطارؔ میرا ہے‘‘ مرشِد خدارا
سنا دو یہ اِرشاد یاغوثِ اعظم
"Yeh Attar mera hai" murshid khudara
Sana do yeh irshad ya Ghaus-e-Azam
Share This Naat
Share with friends and family
شَہَنْشاہِ بغداد یاغوثِ اعظم
الیاس عطار قادری