ان کی تعریف و ثناء ان پہ درود اور سلام
یہ مقدّر یہ نصیبا یہ عنایت واللہ
In ki tareef o sana in pe darood aur salam
Yeh muqaddar yeh naseeba yeh inayat wallah
ان کے دیدار کی حسرت ہے کہیں بھی نکلے
بر زمیں زیرِ زمیں ، کوئی ہو صورت واللہ
In ke deedaar ki hasrat hai kahin bhi nikle
Bar zameen zair e zameen, koi ho surat wallah
خوب صورت ہے ہر اِک حرفِ ثناء کی صورت
بخشوانے کی ہوئی خوب یہ صورت واللہ
Khoob surat hai har ik harf e sana ki surat
Bakhshwane ki hui khoob yeh surat wallah
بابِ جبریل ہو اور خاک نشینوں کی جبیں
اے فلک ہم کو بھی دے ان سے یہ قربت واللہ
Baab e Jibrail ho aur khaak nasheenon ki jabeen
Ae falak hum ko bhi de in se yeh qurbat wallah
یوں تصوّر میں رہے گنبدِ خضریٰ کب تک
آپ چاہیں تو یہ بن جائے حقیقت واللہ
Yun tasawwur mein rahe gunbad e khizra kab tak
Aap chahein to yeh ban jaye haqeeqat wallah
ان کی چو کھٹ سے بہت دور ہے دُنیا کا فریب
سایہ افگن ہے جہاں ان کی محبت واللہ
In ki chokhat se bohot door hai duniya ka fareb
Saya afgan hai jahan in ki mohabbat wallah
چوٹ کیسی بھی لگے زخم کا مرہم تو ہیں آپ
کرتی ہے کارِ مسیحائی یہ نسبت واللہ
Chot kaisi bhi lage zakhm ka marham to hain aap
Karti hai kaar e Maseehai yeh nisbat wallah
شرط ہے زخم کی مرہم کے طلب گاروں پر
ان کے مائل بہ کرم ہونے کی صورت واللہ
Shart hai zakhm ki marham ke talabgaaron par
In ke mail bah karam hone ki surat wallah
کلمہء عشق پڑھا کلمہء توحید کے ساتھ
عشق و توحید کی دیکھی جو یہ وحدت واللہ
Kalma-e-ishq parha kalma-e-tauheed ke saath
Ishq o tauheed ki dekhi jo yeh wahdat wallah
Share This Naat
Share with friends and family
ان کی تعریف و ثناء ان پہ درود اور سلام
حضرت ادیب رائے پوری