نعت کہنے کا سلیقہ بے ادب لہجہ نہ ہو
تنگ ہو جائے زمیں تجھ پر کہیں ایسا نہ ہو
Naat kehne ka saleeqa be-adab lehja na ho
Tando ho jaye zameen tujh par kahin aisa na ho
لفظ وہ بے کار ہیں جن میں نہ ہو پھولوں کی باس
شعر وہ کس کام کا جو شہد سے میٹھا نہ ہو
Lafz wo bekaar hain jin mein na ho phoolon ki baas
She'r wo kis kaam ka jo shehd se meetha na ho
بھیجنا چاہو تو بھیجو شوق سے لاکھوں درُود
شرط ہے آواز کا شعلہ مگر اُونچا نہ ہو
Bhejna chaho to bhejo shauq se laakhon durood
Shart hai aawaaz ka shola magar ooncha na ho
ہے عبث طُولِ سفر کی سختیوں کا جھیلنا
دِل کے گُنبد میں ہی جب تک گُنبدِ خضرا نہ ہو
Hai abas tool-e-safar ki sakhtiyon ka jheelana
Dil ke gunbad mein hi jab tak gunbad-e-khizra na ho
با وضو ہو کر چلا ہوں میں مدینے کی طرف
راستے میں ہی کہیں پھیلی شبِ اسریٰ نہ ہو
Ba wuzu ho kar chala hoon mein Madine ki taraf
Raste mein hi kahin pheli Shab-e-Isra na ho
صاف کرتا ہوں میں خوشبو سے زباں کو بار بار
دامنِ اسمِ نبی اس سے کہیں میلا نہ ہو
Saaf karta hoon mein khushboo se zubaan ko bar bar
Daman-e-Ism-e-Nabi is se kahin maila na ho
خوف آتا ہے مدینے میں قدم رکھتے ہوئے
قافلہ میرے نبی کا اس جگہ ٹھہرا نہ ہو
Khauf aata hai Madine mein qadam rakhte hue
Qafila mere Nabi ka is jagah therra na ho
گنبدِ خضرا سے اتنی دور بیٹھا رہ گیا
بے ادب اور بے وفا انجؔم کوئی تجھ سا نہ ہو
Gunbad-e-khizra se itni door baitha reh gaya
Be-adab aur be-wafa Anjam koi tujh sa na ho
Share This Naat
Share with friends and family
نعت کہنے کا سلیقہ بے ادب لہجہ نہ ہو
انجم نیازی