شاہِ دیں سیدِ الانبیا کی ثنا
کر رہا ہوں رقم مصطفیٰؐ کی ثنا
Shah-e-deen syed-ul-anbiya ki sana
Kar raha hoon raqam Mustafaؐ ki sana
رب نے بخشی ہے توفیقِ مدحِ نبیؐ
ہے زباں پر حبیبِ خدا کی ثنا
Rab ne bakhshi hai tawfeeq-e-madh-e-nabiؐ
Hai zuban par habib-e-Khuda ki sana
کر نہیں سکتا وہ مدحِ اہلِ دول
جس کے لب پر ہے خیر الوریٰ کی ثنا
Kar nahi sakta woh madh-e-ahl-e-dowal
Jis ke lab par hai khair-ul-wara ki sana
ہے اثاثہ رہِ آخرت کے لیے
حمدِ باری شہِ دوسرا کی ثنا
Hai asasa rah-e-aakhirat ke liye
Hamd-e-bari shah-e-dosra ki sana
حُبَّ سرور سے خالی ہیں جن کے قلوب
کیا لکھیں گے وہ شاہِ ہدیٰ کی ثنا
Hub-e-sarwar se khaali hain jin ke quloob
Kya likhein ge woh shah-e-huda ki sana
کام آئے گی محشر کے دن بالیقیں
میرے آقا رسولِ خدا کی ثنا
Kaam aayegi Mahshar ke din baliyakeen
Mere aaqa Rasool-e-Khuda ki sana
مدحِ آلِ نبی و صحابہ کے ساتھ
کیجیے دین کے اولیا کی ثنا
Madh-e-Aal-e-Nabi o Sahaba ke saath
Kijiye deen ke auliya ki sana
جو ہیں منکر پیمبر کی تعظیم کے
ہے عبث ایسے اہلِ ریا کی ثنا
Jo hain munkir Paighambar ki taazim ke
Hai abath aise ahl-e-riya ki sana
فکرِ احسنؔ کو پاکیزگی مل گئی
جب سے شامل ہوئی مصطفیٰؐ کی ثنا
Fikr-e-Ahsanؔ ko pakeezgi mil gayi
Jab se shamil hui Mustafaؐ ki sana
Share This Naat
Share with friends and family
شاہِ دیں سیدِ الانبیا کی ثنا
احسن اعظمی