حریمِ قلب سنگِ در سے لف رکھا ہوا ہے
یہ دھیان اپنا مدینے کی طرف رکھا ہوا ہے
Hareem-e-Qalb sang-e-dar se laf rakha hua hai
Yeh dhyaan apna Madine ki taraf rakha hua hai
روایت کے مطابق ان کا استقبال ہوگا
کہ ہم نے دل نہیں سینے میں دف رکھا ہوا ہے
Rawayat ke mutabiq un ka istaqbal hoga
Ke hum ne dil nahi seene mein daf rakha hua hai
نظر فرمائیں گے تو گوہرِ نایاب ہوگا
درِ سرکار پر دل کا خذف رکھا ہوا ہے
Nazar farmayenge to gohar-e-naayab hoga
Dar-e-sarkar par dil ka khazaf rakha hua hai
سرِ افلاک جس کی دھوم ہے وہ سبز گنبد
زمیں کی گود میں گویا صدف رکھا ہوا ہے
Sar-e-aflaak jis ki dhoom hai wo sabz gumbad
Zameen ki god mein goya sadaf rakha hua hai
کوئی تو بارگاہِ نعتِ میں مقبول ہوگا
ہر اک حرفِ سخن کو صف بہ صف رکھا ہوا ہے
Koi to bargah-e-naat mein maqbool hoga
Har ek harf-e-sukhan ko saf ba saf rakha hua hai
سرِ مژگاں سجا کر خواب کی خواہش کے دیپک
بس اک دیدار آنکھوں کا ہدف رکھا ہوا ہے
Sar-e-mozga sajakar khwab ki khwahish ke deepak
Bas ik deedar aankhon ka hadaf rakha hua hai
مشاغل کھو چکے ہیں دل کشی اشفاق ناعت
فقط اک نعت گوئی کا شغف رکھا ہوا ہے
Mashaghil kho chuke hain dil kashi Ashfaq naati
Fakat ik naat goyi ka shugaf rakha hua hai
Share This Naat
Share with friends and family
حریمِ قلب سنگِ در سے لف رکھا ہوا ہے
اشفاق احمد غوری