عمر بھر معصوم سی مہکار میں ڈوبا رہوں
ہر گھڑی میں مدحتِ سرکارؐ میں ڈوبا رہوں
Umar bhar masoom si mehakaar mein dooba rahun
Har ghari mein madihat-e-sarkaar (ﷺ) mein dooba rahun
آنکھ جب کھولوں نظر آئیں مدینے کے کھجور
رات دن اُس شہر کے انوار میں ڈوبا رہوں
Aankh jab kholon nazar aayein madine ke khajoor
Raat din us shehar ke anwaar mein dooba rahun
اِس طرح جُڑ جائے گا میرا تعلق آپؐ سے
میں ہمیشہ ذکرِ یارِ غار میں ڈوبا رہوں
Is tarah jurh jaaye ga mera talluq aap (ﷺ) se
Mein hamesha zikr-e-yar-e-ghar mein dooba rahun
میں نکل پاؤں نہ اس پاکیزہ جنت سے کبھی
آپؐ کی سیرت کے لالہ زار میں ڈوبا رہوں
Mein nikal paun na is paakeeza jannat se kabhi
Aap (ﷺ) ki seerat ke laala zaar mein dooba rahun
حمد و نعت و منقبت لکھتا رہوں تا زندگی
میں حسیں پھولوں کی اس مہکار میں ڈوبا رہوں
Hamd o naat o manqbat likhta rahun taa zindagi
Mein haseen phoolon ki is mehakaar mein dooba rahun
مشعلِ دل کو رکھوں روشن سدا اُس نام سے
احترامِ حیدر کرّار میں ڈوبا رہوں
Mash'al-e-dil ko rakhun roshan sada us naam se
Ehteraam-e-Haider Karrar mein dooba rahun
Share This Naat
Share with friends and family
عمر بھر معصوم سی مہکار میں ڈوبا رہوں
انجم نیازی