عزت و عظمتِ شاعری نعت ہے
حرف اور صوت کی زندگی نعت ہے
Izzat o azmat-e-shaairi naat hai
Harf aur saut ki zindagi naat hai
ہے وہ ناعت جو خوش ہے ولادت کی شب
آمدِ مصطفیٰ کی خوشی نعت ہے
Hai wo naat khush hai wiladat ki shab
Aamad-e-Mustafa ki khushi naat hai
حرفِ مدحت مرے مثلِ زرناب ہیں
گویا میرے لئے سروری نعت ہے
Harf-e-madahat mere misal-e-zarnab hain
Goya mere liye sarwari naat hai
ہو عطا نعت یہ بھی کرم ہے مگر
خواہشِ نعت بھی واقعی نعت ہے
Ho ata naat ye bhi karam hai magar
Khwaish-e-naat bhi waqai naat hai
دل کی بے چینیاں منہ چھپا لیتی ہیں
جب مرے کان میں گونجتی نعت ہے
Dil ki bechainiyan munh chhupa leti hain
Jab mere kaan mein goonjti naat hai
خوف بالکل نہیں حشر کی دھوپ کا
سائباں بن کے سر پر تنی نعت ہے
Khauf bilkul nahi hashr ki dhoop ka
Saibaan ban ke sar par tani naat hai
کچھ بھی اشفاق اب سوجھتا ہی نہیں
فہم و ادراک میں یوں بسی نعت ہے
Kuch bhi Ashfaq ab soojhta hi nahi
Fahm o idraak mein yun basi naat hai
Share This Naat
Share with friends and family
عزت و عظمتِ شاعری نعت ہے
اشفاق احمد غوری