Ujala jiska hai do jahan main

اجالا جس کا ہے دو جہاں میں وہ میرے آقا کی روشنی ہے انہیں کے قدموں کی برکتوں سے یہ زندگی آج زندگی ہے

Ajala jis ka hai do jahan mai wo mere aqa ki roshni hai Inhi ke qadmon ki barkaton se ye zindagi aaj zindagi hai

انہیں کا چرچا ہے آسماں پر زمیں پہ بھی ذکر ہے انہیں کا ہر ایک گل میں ہر اک کلی میں مہک انہیں کی بسی ہوئی ہے

Inhi ka charcha hai aasman par zameen pe bhi zikr hai inhi ka Har aik gul mai har ak kali mai mahak inhi ki basi hui hai

گناہگاروں کے حق میں رحمت پرہیزگاروں کے حق میں راحت وہ ذاتِ اقدس کہ جس کی شفقت ہر اک پہ یکساں برس رہی ہے

Gunahgaron ke haq mai rehmat parhezgaron ke haq mai rahat Wo zaat-e-aqdas ke jis ki shafqat har ak pe yaksan baras rahi hai

وہی مزمل وہی مدثر وہی ہیں شاہد وہی مبشر وہی ہیں قاسم وہی ہیں حاتم انہیں کو کثرت عطا ہوئی ہے

Wohi Muzzammil wohi Muddathir wohi hain Shahid wohi Mubashir Wohi hain Qasim wohi hain Hatim inhi ko kasrat ata hui hai

بشیر وہ ہیں نذیر وہ ہیں ظہیر وہ ہیں بصیر وہ ہیں امیر وہ ہیں کبیر وہ ہیں ہر ایک خوبی انہیں ملی ہے

Bashir wo hain nazir wo hain zaheer wo hain baseer wo hain Ameer wo hain kabeer wo hain har aik khoobi inhe mili hai

وہ مصطفیٰ ہیں وہ مجتبیٰ ہیں وہ ظلِّ رب نورِ کبریا ہیں حبیب وہ ہیں قریب وہ ہیں انہیں سے بزمِ جہاں سجی ہے

Wo Mustafa hain wo Mujtaba hain wo zil-e-rab, noor-e-kibriya hain Habib wo hain qareeb wo hain inhi se bazm-e-jahan saji hai

جمیل وہ ہیں شکیل وہ ہیں وکیل وہ ہیں کفیل وہ ہیں جلیل وہ ہیں خلیل وہ ہیں ہر اک ادا ان کی نت نئی ہے

Jameel wo hain shakeel wo hain wakeel wo hain kafeel wo hain Jaleel wo hain khaleel wo hain har ak ada un ki nit nai hai

وہی ہیں رافع وہی ہیں دافع وہی ہیں نافع وہی ہیں شافع وہی ہیں سامع وہی ہیں جامع انہیں کے حصے کی افسری ہے

Wohi hain rafi wohi hain dafi wohi hain nafi wohi hain shafi Wohi hain sami wohi hain jami inhi ke hisse ki afsari hai

مبین وہ ہیں متین وہ ہیں امین وہ ہیں مکین وہ ہیں سراپا تفسیرِ نور وہ ہیں انہیں سے عالم میں روشنی ہے

Mubeen wo hain mateen wo hain ameen wo hain makeen wo hain Saraypa tafseer-e-noor wo hain inhi se alam mai roshni hai

صفی وہی ہیں نجی وہی ہیں نقی وہی ہیں تقی وہی ہیں رسولِ اکرم نبیِ اعظم جو ان کو مانے وہ جنتی ہے

Safi wohi hain naji wohi hain naqi wohi hain taqi wohi hain Rasool-e-akram nabi-e-aazam jo un ko mane wo jannati hai

وہی ہیں ماجد وہی ہیں ساجد وہی ہیں عابد وہی ہیں زاہد جو ان کے اوصاف کا ہے منکر وہ دوزخی ہے جہنمی ہے

Wohi hain maajid wohi hain sajid wohi hain abid wohi hain zahid Jo un ke osaf ka hai munkir wo dozakhi hai jahannami hai

شفیعِ روزِ جزا وہی ہیں اُمم کے حاجت روا وہی ہیں ہمارے مشکل کشا وہی ہیں نظر انہیں پر جمی ہوئی ہے

Shafi-e-roz-e-jaza wohi hain umm ke haajat rawa wohi hain Hamaray mushkil kusha wohi hain nazar unhi par jami hui hai

حبیبِ ربِ علا وہی ہیں خدائی کے ناخدا وہی ہیں غریب کا آسرا وہی ہیں انہیں کے در سے تونگری ہے

Habib-e-Rab-e-ala wohi hain khudai ke naakhuda wohi hain Ghareeb ka aasra wohi hain inhi ke dar se tunagri hai

وہی مفسر وہی محدث وہی ہیں شارع وہی ہیں شارح وہی ہیں ناظم وہی ہیں کاظم انھیں کو علمِ جلی خفی ہے

Wohi mufassir wohi muhaddith wohi hain sharay wohi hain sharah Wohi hain naazim wohi hain kazim unhein ko ilm-e-jali khafi hai

وہی ہیں آصف وہی ہیں واصف وہی ہیں عاطف وہی ہیں کاشف وہ احمدِ مجتبیٰ کہ جن کو امامتِ انبیا ملی ہے

Wohi hain aasif wohi hain waasif wohi hain aatf wohi hain kaashif Wo Ahmad-e-Mujtaba ke jin ko imamat-e-anbiyya mili hai

وہ بزم والے وہ رزم والے وہ عزم والے وہ نظم والے وہ راز والے وہ ناز والے انھیں پہ ہر وصف منتہی ہے

Wo bazm wale wo razm wale wo azm wale wo nazm wale Wo raaz wale wo naaz wale unhein pe har wasf muntahi hai

وہ سرِّ وحدت وہ رازِ قدرت وہ رمزِ خلقت وہ کنزِ رحمت وہ شان وشوکت کہ ہر زباں پر انہیں کی تعریف ہو رہی ہے

Wo sirr-e-wahdat wo raaz-e-qudrat wo ramz-e-khalqat wo kanz-e-rehmat Wo shaan wo shaukat ke har zabaan par unhein ki tareef ho rahi hai

وہ انبیا اولیا کے ملجا وہ اصفیا اذکیا کے ماویٰ وہ اتقیا اغنیا کے مولیٰ انہیں کو زیبا یہ سروری ہے

Wo anbiya awliya ke malja wo asfiya azkiya ke mawa Wo atkiya aghniya ke maula inhe ko zaiba ye sarwari hai

وہ نام والے کلام والے سلام والے پیَام والے قیام والے مقام والے انہیں سے عرفان و آگہی ہے

Wo naam wale kalam wale salam wale payam wale Qayam wale maqaam wale inhi se irfan o agehi hai

وہ سرورِ کشورِ رسالت وہ کانِ راحت وہ جانِ رحمت وہ شانِ عظمت کہ خود خدا نے قرآں میں جس کی گواہی دی ہے

Wo Sarwar-e-kishwar-e-rasalat wo kaan-e-rahat wo jan-e-rehmat Wo shan-e-azmat ke khud khuda ne Quran mai jis ki gawahi di hai

کلیم وہ ہیں کلام ان کا شریعتوں کی اساس ٹھہرا رحیم وہ ہیں کہ ذات اقدس میں رحمتوں کی بھرن بھری ہے

Kaleem wo hain kalam un ka shariatun ki asaas thehra Rahim wo hain ke zaar-e-aqdas mai rehmaton ki bharan bhari hai

بلیغ وہ ہیں بلاغتوں کا ہے قافیہ تنگ ان کے آگے فصیح وہ ہیں فصاحتوں کو انہیں کے در سے زباں ملی ہے

Baleegh wo hain balaaghatun ka hai qafiya tang un ke aage Faseeh wo hain fasahatun ko unhi ke dar se zabaan mili hai

رحیم وہ ہیں کہ رحمتوں پر خدا نے ان کو دیا ہے قبضہ کریم وہ ہیں کرم کی ان کے جہاں میں اک دھوم سی مچی ہے

Raheem wo hain ke rahmaton par khuda ne un ko dia hai qabza Kareem wo hain karam ki un ke jahan mai ek dhoom si machi hai

رفیع وہ ہیں کہ رفعتوں پر انہیں کے قدموں کا ہے اجارہ شفیع وہ ہیں شفاعتوں پر انہیں کی مہرِ کرم لگی ہے

Rafee wo hain ke rifatain par unhi ke qadmon ka hai ajaara Shafi wo hain shafaatun par unhi ki mehr-e-karam lagi hai

شریف وہ ہیں شرافتوں کو شرف ملا ہے انہیں کے در سے نجیب وہ ہیں نجابتوں کو انہیں کے قدموں میں جا ملی ہے

Shareef wo hain sharafatoun ko sharaf mila hai unhi ke dar se Najeeb wo hain najabatoun ko unhi ke qadmon mai ja mili hai

مسافرِ لامکاں وہی ہیں جہاں کے روحِ رواں وہی ہیں وجودِ رب کے نشاں وہی ہیں انہیں کو محبوبیت ملی ہے

Musafir-e-la makan wohi hain jahan ke rooh-e-rawan wohi hain Wajood-e-rab ke nishan wohi hain inhi ko mahbubiat mili hai

صداقت ان کی عدالت ان کی سخاوت ان کی شجاعت ان کی سیادت ان کی شہادت ان کی ہر ایک میداں میں برتری ہے

Sadaqat un ki adalat un ki sakhawat un ki shujaat un ki Sayadat un ki shahadat un ki har aik maidan mai bartari hai

قرآن خلق عظیم جن کا خدا غفور و رحیم جن کا لقب رؤف و رحیم جن کا انہیں کی یہ بات ہو رہی ہے

Quran khalq azeem jin ka Khuda Ghafoor-o-Raheem jin ka Laqab Raoof-o-Raheem jin ka inhein ki ye baat ho rahi hai

انہیں کے دستِ کرم کے نیچے ملک بشر جنّ و حور و غلماں وہی ہیں سلطاں وہی ہیں ذی شاں انہیں کو کرسی عطا ہوئی ہے

Inhi ke dast-e-karam ke neeche mulk bashar jinn-o-hoor-o-ghilman Wohi hain sultan wohi hain zi shan inhi ko kursi ata hui hai

ہے عرش پر نام ان کا احمد زمیں پہ کہلائے وہ محمد زمیں کے نیچے وہی ہیں حامد انھیں کو محمودیت ملی ہے

Hai arsh par naam un ka Ahmad zameen pe kehlaye wo Muhammad Zameen ke neeche wohi hain Hamid inhein ko Mahmoodiat mili hai

شعور کے رخ سے اٹھ رہے ہیں یقیں کے ہاتھوں گماں کے پردے وہ ربِّ واحد یہ عبدِ واحد یہی ہے وحدت یہی دوئی ہے

Shaoor ke rukh se uth rahe hain yaqeen ke hathon gumaan ke parde Wo Rab-e-waahid ye Abd-e-waahid yahi hai wahdat yahi doyi hai

وہ خوشبوئے زلفِ مصطفیٰ ہے کہ مشک بھی ہیچ جس کے آگے مہکتی گلیاں یہ کہہ رہی ہیں سواری ان کی ابھی گئی ہے

Wo khusboo-e-zulf-e-Mustafa hai ke mushk bhi heech jis ke aage Mehakti galiyan ye keh rahi hain sawari un ki abhi gayi hai

کلی کلی میں ہے ان کی نکہت ہے ذرے ذرے میں ان کی طلعت جہاں بھی دیکھو جدھر بھی دیکھو ظہورِ نورِ محمدی ہے

Kali kali mai hai un ki nikhat hai zare zare mai un ki talat Jahan bhi dekho jidhar bhi dekho zuhoor-e-Noor-e-Mohammadi hai

وہ سجدہء یومِ حشر جس پر حیات موقوف ہے اُمم کی ہے امتی امتی لبوں پر حضور کی بندہ پروری ہے

Wo sajda-e-yom-e-hashr jis par hayat mauqof hai umm ki Hai ummati ummati labon par huzoor ki banda parwari hai

وہ نعلِ اقدس کہ تاجِ شاہاں سے بھی فزوں تر ہے جس کا رتبہ یہ سر پہ رکھنے کو گر ملے تو یہی حقیقی شہنشہی ہے

Wo naal-e-aqdas ke taj-e-shahan se bhi fazoon tar hai jis ka rutba Ye sar pe rakhne ko gar mile to yahi haqiqi shehenshahi hai

درود پڑھنا سلام پڑھنا ہر ایک پل ان کے نام پڑھنا جو عرض کرنا ہو ان سے کرنا سکھایا رب نے ہمیں یہی ہے

Darood parhna salam parhna har aik pal un ke naam parhna Jo arz karna ho un se karna sikhaya Rab ne hume yahi hai

حضورِ اقدس کو دو جہاں کے خزانے اللہ نے دیے ہیں وہ بخش دیں جس کو جو بھی چاہیں انہیں یہ قدرت عطا ہوئی ہے

Huzoor-e-aqdas ko do jahan ke khazane Allah ne diye hain Wo bakhsh den jisko jo bhi chahen unhein ye qudrat ata hui hai

یہ چاند سورج ستارے سارے انہیں کے جلووں کا فیض پائیں شفق کے گالوں پہ ہے جو سرخی یہ ان کے تلووں کی روشنی ہے

Ye chand sooraj sitaray sare unhi ke jalwon ka faiz pain Shafaq ke galon pe hai jo surkhi ye un ke talwon ki roshni hai

وہ سبز گنبد وہ ان کا روضہ وہ ان کی مسجد کا گوشہ گوشہ قدم قدم پر لگے ہے ایسا فلک سے جنت اتر پڑی ہے

Wo sabz gunbad wo un ka roza wo un ki masjid ka gosha gosha Qadam qadam par lage hai aisa falak se jannat utar padi hai

وہ کیاری جنت کی پیاری پیاری وہ ان کی محراب ان کا منبر نہ کیوں منور ہو چپّہ چپّہ یہ رب کے محبوب کی گلی ہے

Wo kiyari jannat ki pyari pyari wo un ki mehrab un ka minbar Na kyon munawwar ho chappa chappa ye Rab ke mahboob ki gali hai

کہاں ہے دنیا میں شہر ایسا مدینے جیسا مدینے جیسا ہے فخرِ جنت زمیں کا ٹکڑا جہاں مزارِ نبی بنی ہے

Kahan hai duniya mai shehar aisa madine jaisa madine jaisa Hai fakhr-e-jannat zameen ka tukda jahan mazaar-e-nabi bani hai

جو وہ نہ ہوتے تو کچھ نہ ہوتا ہے ان کے ہونے سے سب کا ہونا وہ ہیں تو سب ہے وہ ہوں تو سب ہو جو وہ نہ ہوں ہر طرف نفی ہے

Jo wo na hote to kuch na hota hai un ke hone se sab ka hona Wo hain to sab hai wo hon to sab ho jo wo na hon har taraf nafi hai

شریعتیں ان سے منسلک ہیں طریقیتیں ان میں منہمک ہیں وہ مہتمم ہیں وہ منتظم ہیں عنان ان کی بہت قوی ہے

Shariatain un se munsalik hain tariqitain un mai manhamik hain Wo mahtamim hain wo muntasim hain inaan un ki bohot qawi hai

وہ نور ان کا ہی تھا کہ جس سے جسد میں آدم کے روح ٹھہری خلیل کے صلب میں وہی تھے کہ نار گلزار بن گئی ہے

Wo noor un ka hi tha ke jis se jised mai adam ke rooh thehri Khaleel ke solab mai wohi they ke nar gulzar ban gayi hai

وہ شانِ فرماں روائی ان کی خدائی ساری فدائی ان کی وہ تخت والے وہ تاج والے مگر اداؤں میں سادگی ہے

Wo sha'an-e-farman rawai un ki khudai sari fadayi un ki Wo takht wale wo taj wale magar adaon mai saadgi hai

حیا انہیں کی سخا انہیں کی وفا انہیں کی صفا انہیں کی وہ جانِ ایمان وہ روحِ قرآں یہی حقیقت ہے ہاں یہی ہے

Haya unhi ki sakha unhi ki wafa unhi ki safa unhi ki Wo jan-e-iman wo rooh-e-Quran yahi haqeeqat hai haan yahi hai

خدائے برتر نے میرے آقا کو اپنے ناموں سے نام بخشے نشست و برخاست سے ہویدا رسولِ اعظم کی سادگی ہے

Khudae bartar ne mere aqa ko apne naamon se naam bakhse Nisbat-o-barkhaast se huida Rasool-e-Azam ki saadgi hai

انہیں کو اسریٰ کی رات رب نے طلب کیا لامکاں سے آگے قریب اتنے ہوئے کہ تمثیلِ قابِ قوسین بن گئی ہے

Unhein ko Isra ki raat Rab ne talab kia la makaan se aage Qareeb itne hue ke tamseel-e-qab-e-qosain ban gayi hai

حساب کا دن کٹھن تو ہوگا مگر ہمیں ان کا آسرا ہے وہ آہی جائیں گے بخشوانے شفاعت ان کو عطا ہوئی ہے

Hisaab ka din kathin to hoga magar hume un ka aasra hai Wo aahi jayenge bakshawane shafaat un ko ata hui hai

وہی ہیں احمد وہی محمد وہی ہیں محمود وہ ہیں حامد حمید وہ ہیں سعید وہ ہیں انہیں سے نظمی کی لو لگی ہے

Wohi hain Ahmad wohi Muhammad wohi hain Mahmood wo hain Hamid Hameed wo hain Saeed wo hain inhein se nazmi ki loo lagi hai

اجالا جس کا ہے دو جہاں میں وہ میرے آقا کی روشنی ہے

Share This Naat

Related Naats

جمالِ روضۂ انور کا پوچھنا کیا ہے

کاش! دشتِ طیبہ میں ،میں بھٹک کے مرجاتا

حیات حبِ نبی میں اگر گزر جائے

حرصِ دنیا اے غلامِ سیّدِ ابرار چھوڑ