حرصِ دنیا اے غلامِ سیّدِ ابرار چھوڑ
ہو جا وابستہ مدینے سے درِ اغیار چھوڑ
hirs-e duniya aye ghulaam-e Syed-e Abraar chhod
ho ja wabasta Madeene se dar-e aghyaar chhod
ہو نہ شیدائے رسولِ پاکؐ میں جن کا شمار
ایسے رہبر چھوڑ ایسے قافلہ سالار چھوڑ
ho na sheedaaye Rasool-e Pak ﷺ mein jin ka shumaar
aise rehbar chhod aise qafila saalaar chhod
لاج رکھیں گے سرِ محشر یقیناً مصطفیٰؐ
اے مسلماں تو نہ ہرگز دامنِ سرکار چھوڑ
laaj rakhenge sar-e mahshar yaqeenan Mustafa ﷺ
ae musalman tu na hargiz daaman-e Sarkaar chhod
صدق دل سے ہو جا شیدائی رسولِ پاک کا
نعتِ محبوبِ خدا پڑھ مدحتِ زردار چھوڑ
sidq dil se ho ja sheedaai Rasool-e Pak ka
naat-e Mehboob-e Khuda parh madah-e Zardaar chhod
المدد یا مصطفیٰؐ لکھا ہے کشتی پر مری
اے تلاطم ہٹ پرے ہٹ راستہ منجدھار چھوڑ
al-madad ya Mustafa ﷺ likha hai kishti par meri
ae talatam hatt prray hatt raasta manjh-dhaarr chhod
چل کے اے دل دیکھ رشکِ خلد طیبہ کا چمن
طور کے کہسار ایمن کے گل و گلزار چھوڑ
chal ke ae dil dekh rashk-e khuld Taiba ka chaman
Toor ke keha-saar Aymen ke gul o gulzaar chhod
آگیا ہے واپسی کا وقت چشمِ نم کے ساتھ
اے نگاہِ شوق طیبہ کے حسیں بازار چھوڑ
aa gaya hai waapasi ka waqt chashm-e nam ke saath
ae nigaah-e shauq Taiba ke haseen bazaar chhod
ایک ہو جا اے مسلماں زیرِ حُبِ شاہِ دیں
مشرب و مسلک کے جھگڑے باہمی تکرار چھوڑ
ek ho ja ae musalman zer-e hub-e Shah-e Deen
mashrab o maslak ke jhagray baahmi tak-raar chhod
تو بھی احسؔن جمع کر مال و متاعِ آخرت
ترک کر زر کی ہوس فکرِ جہاں گھر بار چھوڑ
tu bhi Ahsan jama kar maal o mataa-e aakhirat
tark kar zar ki hawas fikr-e jahan ghar baar chhod
Share This Naat
Share with friends and family
حرصِ دنیا اے غلامِ سیّدِ ابرار چھوڑ
احسن اعظمی