تُسیں ہو سب گہنگاراں دے حامی یارسول اللہ
گدا ہے آپ دی خلقت تمامی یا رسول الله
Tusain ho sab gahangara de hami ya rasool Allah
Gada hai aap di khalqat tamami ya rasool Allah
ہے آیا عرش اعلی توں تیرے اکرام دا پرچم
نبی کر دے تیرے در دی غلامی یا رسول الله
Hai aaya arsh aala toon tere ikram da parcham
Nabi kar de tere dar di ghulami ya rasool Allah
تیرے دربارِ اقدس تے ترے روضے دے گنبد نوں
کروں دیواں گا میں آکے سلامی یارسول اللہ
Tere darbar-e-aqdas te tere rozay de gunbad noon
Karoon diwan ga main aake salami ya rasool Allah
میں عاصی پر خطا مجرم تے تیرے نے لقب سوہنے
مدثر نور تے قرشی تہامی یا رسول الله
Main aasi par khata mujrim te tere ne laqab sohne
Mudasir Noor te Qureshi Tahami ya rasool Allah
جو دتا سی بلال و یاسر و سلمان و بوذر نوں
دیہو مینوں وی اوہ ذوق دوامی یا رسول الله
Jo ditta si Bilal o Yasir o Salman o Bozar noon
Deo mainoon vi oh zoaq dawami ya rasool Allah
عطا اُس وچوں صائم نُوں وی گُھٹ دو چار ہو جاون
جو پیتا جام سی رومی تے جامی یا رسول اللہ
Ata us vicho Saeem noon vi ghut do char ho javan
Jo peeta jaam si Roomi te Jaami ya rasool Allah
Share This Naat
Share with friends and family
تُسیں ہو سب گہنگاراں دے حامی یارسول اللہ
علامہ صائم چشتی