دل میں سرکارؐ کا غم رکھ لینا
جیب میں بس یہ رقم رکھ لینا
Dil mein Sarkarؐ ka gham rakh lena
Jeeb mein bas yeh raqam rakh lena
پاؤں چومیں گی حدیں دنیا کی
ذہن میں اُن کے قدم رکھ لینا
Paon chumein gi hadein duniya ki
Zehn mein un ke qadam rakh lena
کھود کر سارا وجود اندر سے
خشتِ بنیاد حرم رکھ لینا
Khud kar saara wajood andar se
Khisht-e-bunyaad-e-Haram rakh lena
اُن کے قدموں پہ لٹانے کے لیے
صدقۂ دیدۂ نم رکھ لینا
Un ke qadmon pe latane ke liye
Sadaqah-e-deedah-e-nam rakh lena
جب پکارے تمہیں آہٹ اُن کی
اپنے کاندھوں پہ علم رکھ لینا
Jab pukaare tumhein aahat un ki
Apne kandhon pe alam rakh lena
اپنی بخشش کے لیے کافی ہے
اُن سے اُمیّدِ کرم رکھ لینا
Apni bakhshish ke liye kaafi hai
Un se ummeed-e-karam rakh lena
کام آئے گی محبت اُن کی
ساتھ کچھ زادِ عدم رکھ لینا
Kaam aayegi mohabbat un ki
Saath kuch zad-e-adam rakh lena
لکھنا مر کر بھی مظفر نعتیں
قبر میں لوح و قلم رکھ لینا
Likhna mar kar bhi Muzaffar naatein
Qabr mein loh-o-qalam rakh lena
Share This Naat
Share with friends and family
دل میں سرکارؐ کا غم رکھ لینا
مظفر وارثی