تمہارا نام مصیبت میں جب لیا ہوگا
ہمارا بگڑا ہوا کام بن گیا ہوگا
Tumhara naam museebat mein jab liya hoga
Humara bigda hua kaam ban gaya hoga
گناہگار پہ جب لطف آپ کا ہوگا
کیا بغیر کیا بے کیا کیا ہوگا
Gunahgar pe jab lutf aap ka hoga
Kya baghair kya be kya kya hoga
خدا کا لطف ہوا ہوگا دست گیر ضرور
جو گرتے گرتے ترا نام لے لیا ہوگا
Khuda ka lutf hua hoga dast geer zaroor
Jo girte girte tera naam le liya hoga
دکھائی جائے گی محشر میں شانِ محبوبی
کہ آپ ہی کی خوشی آپ کا کہا ہوگا
Dikhaai jaayegi Mahshar mein shan-e-mehboobi
Ke aap hi ki khushi aap ka kaha hoga
خدائے پاک کی چاہیں گے اَگلے پچھلے خوشی
خدائے پاک خوشی اُن کی چاہتا ہوگا
Khuda-e-Paak ki chaahenge agle pichle khushi
Khuda-e-Paak khushi un ki chahta hoga
کسی کے پاؤں کی بیڑی یہ کاٹتے ہونگے
کوئی اَسیر غم ان کو پکارتا ہوگا
Kisi ke paon ki beedi ye kaat'te honge
Koi aseer gham in ko pukarta hoga
کسی طرف سے صدا آئے گی حضور آؤ
نہیں تو دَم میں غریبوں کا فیصلہ ہوگا
Kisi taraf se sada aayegi huzoor aao
Nahi to dam mein ghareebon ka faisla hoga
کسی کے پلہ پہ یہ ہوں گے وقت وَزنِ عمل
کوئی اُمید سے مونھ ان کا تک رہا ہوگا
Kisi ke palla pe ye honge waqt wazan-e-amal
Koi umeed se moonh in ka tak raha hoga
کوئی کہے گا دُہائی ہے یَا رَسُوْلَ اللہ
تو کوئی تھام کے دامن مچل گیا ہوگا
Koi kahe ga duhaai hai ya rasul Allah
To koi thaam ke daaman machal gaya hoga
کسی کو لے کے چلیں گے فرشتے سوئے جحیم
وہ اُن کا راستہ پھر پھر کے دیکھتا ہوگا
Kisi ko le ke chalein ge farishte soye Jaheem
Wo un ka rasta phir phir ke dekhta hoga
شکستہ پا ہوں مِرے حال کی خبر کر دو
کوئی کسی سے یہ رو رو کے کہہ رہا ہوگا
Shikasta pa hoon mere haal ki khabar kar do
Koi kisi se ye ro ro ke keh raha hoga
خدا کے واسطے جلد ان سے عرض حال کرو
کسے خبر ہے کہ دَم بھر میں ہائے کیا ہو گا
Khuda ke wastay jald in se arz-e-haal karo
Kise khabar hai ke dam bhar mein haaye kya hoga
پکڑ کے ہاتھ کوئی حالِ دل سنائے گا
تو رو کے قدموں سے کوئی لپٹ گیا ہوگا
Pakad ke haath koi haal-e-dil sunayega
To ro ke qadmon se koi lipat gaya hoga
زبان سوکھی دکھا کر کوئی لب کوثر
جنابِ پاک کے قدموں پہ گر گیا ہوگا
Zaban sookhi dikha kar koi lab e kowsar
Janab-e-Paak ke qadmon pe gir gaya hoga
نشانِ خسروِ دِیں دُور کے غلاموں کو
لوائے حمد کا پرچم بتا رہا ہوگا
Nishan-e-Khusrow-e-deen door ke ghulamoon ko
Lawa-e-Hamd ka parcham bata raha hoga
کوئی قریب ترازو کوئی لبِ کوثر
کوئی صراط پر ان کو پکارتا ہوگا
Koi qareeb tarazu koi lab e Kowsar
Koi Siraat par in ko pukarta hoga
یہ بے قرار کرے گی صدا غریبوں کی
مقدس آنکھوں سے تار اَشک کا بندھا ہو گا
Ye beqaraar karegi sada ghareebon ki
Muqaddas aankhon se taar ashk ka bandha hoga
وہ پاک دل کہ نہیں جس کو اپنا اَندیشہ
ہجومِ فکر و تردُّد میں گھر گیا ہوگا
Wo paak dil ke nahin jis ko apna andesha
Hajoom-e-Fikr o tardud mein ghar gaya hoga
ہزار جان فدا نرم نرم پاؤں سے
پکار سن کے اَسیروں کی دوڑتا ہوگا
Hazaar jaan fida narm narm paon se
Pukaar sun ke aseeroon ki daudta hoga
عزیز بچہ کو ماں جس طرح تلاش کرے
خدا گواہ یہی حال آپ کا ہوگا
Azeez bacha ko maan jis tarah talash kare
Khuda gawah yahi haal aap ka hoga
خدائی بھر انہیں ہاتھوں کو دیکھتی ہوگی
زمانہ بھر انہیں قدموں پہ لوٹتا ہوگا
Khudai bhar inhein haathon ko dekh rahi hogi
Zamana bhar inhein qadmon pe loota hoga
بنی ہے دَم پہ دُہائی ہے تاج والے کی
یہ غل یہ شور یہ ہنگامہ جا بجا ہوگا
Bani hai dam pe duhaai hai taj waale ki
Ye ghal ye shor ye hungama ja baja hoga
مقام فاصلوں پر کام مختلف اتنے
وہ دن ظہورِ کمالِ حضور کا ہوگا
Maqam faaslon par kaam mukhtalif itne
Wo din Zahoore Kamal-e-Huzoor ka hoga
کہیں گے اور نبی اِذْ ھَبُوْا اِلٰی غَیْرِیْ
مرے حضور کے لب پر اَنَا لَھَا ہوگا
Kahenge aur Nabi idh habo ila ghayri
Mere huzoor ke lab par Ana laha hoga
دُعائے امت بدکار وِردِ لب ہوگی
خدا کے سامنے سجدہ میں سر جھکا ہوگا
Dua-e-Ummat badkar wird-e-Lab hogi
Khuda ke samne sajda mein sar jhuka hoga
غلام ان کی عنایت سے چین میں ہونگے
عدو حضور کا آفت میں مبتلا ہوگا
Ghulam in ki inayat se chain mein honge
Adu huzoor ka aafat mein mubtala hoga
میں ان کے در کا بھکاری ہوں فضل مولیٰ سے
حسنؔ فقیر کا جنت میں بسترا ہوگا
Main un ke dar ka bhikari hoon fazl-e-Maula se
Hasan faqeer ka jannat mein bastara hoga
Share This Naat
Share with friends and family
تمہارا نام مصیبت میں جب لیا ہوگا
حسن رضا خان