تخلیق ہوا ہی نہیں پیکر کوئی تم سا
اللہ سا کوئی نہ پیمبر کوئی تم سا
Takhleeq hua hi nahi paikar koi tum sa
Allah sa koi na paimbar koi tum sa
تاریخ کے صفحات بھی دکھلا نہیں سکتے
میدان سی تنہائی میں لشکر کوئی تم سا
Tareekh ke safaahat bhi dikhla nahi sakte
Maidan si tanhai mein lashkar koi tum sa
اُتنا ہی طلب گار ہوں تم جتنے سخی ہو
مجھ سا کوئی پیاسا نہ سمندر کوئی تم سا
Utna hi talab gaar hoon tum jitne sakhi ho
Mujh sa koi pyaasa na samandar koi tum sa
احساس کو بینائی کی توفیق بھی دے دو
اشکوں سے سمٹتا نہیں منظر کوئی تم سا
Ehsas ko benaai ki taufiq bhi de do
Ashkon se simat'ta nahi manzar koi tum sa
افلاک بھی دیکھیں تمہیں سر اوپر اٹھا کر
دیکھا نہ بلندی نے قد آور کوئی تم سا
Aflak bhi dekhein tumhein sar upar uthha kar
Dekha na bulandi ne qadd aawar koi tum sa
سننے چلے آتے ہیں علوم فلک و فرش
تقریر کرے جب سرِ منبر کوئی تم سا
Sun'ne chale aate hain uloom e falak o farsh
Taqreer kare jab sar e minbar koi tum sa
کہنے کو تو کہتے ہیں سبھی نعت مظفر
کم کم نظر آتا ہے ثنا گر کوئی تم سا
Kehne ko to kehte hain sabhi naat Muzaffar
Kam kam nazar aata hai sana gar koi tum sa
Share This Naat
Share with friends and family
تخلیق ہوا ہی نہیں پیکر کوئی تم سا
مظفر وارثی