کیڈا سوہنا روضہ سوہنے دا سیاں تک تک اکھیاں ٹھار دیاں
سوہنے دے سوہنے گلشن وچہ رُتاں ہر دم رہن بہار دیاں
Keda sohna roza sohne da siyan tak tak akhiyan thaar diyan
Sohne de sohne gulshan wicch ruttan har dam rehn bahar diyan
ہر شئے دا ادب بجاؤندا رئیں اکھیاں دا فرش و چھاؤندا رئیں
ذرا سنبھل سنبھل کے پیر رکھیں اوہ گلیاں نے سرکار دیاں
Har shai da adab bjaunda raen akhiyan da farsh w chaonda raen
Zara sambhal sambhal ke pair rakhin o galliyan ne sarkar diyan
رکھ آن سلامیاں دیندے نے چن چمدا آ کے قدماں نوں
سورج وی دوڑیا اوندا اے کینوں جرتاں نے انکار دیاں
Rakh aan salamiyaan dinde ne chan chamda aa ke kadmaan nu
Sooraj wi dorria onda ae keenon jurtan ne inkaar diyan
جو یار دے من نوں بھاؤندیاں نہیں اوہ کوڑی دی مل پاؤندیاں نہیں
وک جان جو یار دے نام اتوں اور خود مالک بازار دیاں
Jo yaar de man nu bhaaundiyan nahi o kodi di mil paaundiyan nahi
Wak jaan jo yaar de naam utton aur khud malik bazaar diyan
جند عشق چہ جیہڑیاں رول گئیاں اوہ سدیاں سونے دے کول گئیاں
لڑ لگ کے جیہڑیاں ڈول گئیاں اوہ آردیاں نہ پار دیاں
Jand ishq ch jihi rian rol gaiyan o sadiyan sone de kol gaiyan
Lar lag ke jihi rian dol gaiyan o aardi an na paar diyan
چند یار دے ناویں لائی اے اسیں مکدی گل مکائی اے
جو مرن توں پہلے یار دیاں اوہ مرن تو بعد وی یار دیاں
Chand yaar de naaven laai ae assi mukdi gal mukai ae
Jo marn ton pehlay yaar diyan o marn to baad wi yaar diyan
نچ یار مناؤناں پیندا اے لگیاں نوں نبھاؤناں پیندا اے
گھر بار لٹاؤناں پیندا اے ایہہ شرطاں عشق بپار دیاں
Nach yaar manaunan peenda ae lagiyan nu nibhana peenda ae
Ghar bar latauna peenda ae eh shartan ishq bapar diyan
دُکھ سہہ لیں مونہوں بولیں نہ توں عشق دی رائیں ڈولیں نہ
غم دل نوں رونا اکھیاں نوں ایہہ سوغاتاں نے پیار دیاں
Dukh seh lein moohnon bolein na toon ishq di raen dolen na
Gham dil nu rona akhiyan nu eh sogatan ne pyaar diyan
چھڈ قصے دنیا داراں دے دنیا دے جھوٹے یاراں دے
کردا رو نیازی توں صفتاں محبوب مٹھل من ٹھار دیاں
Chhad kisse duniya daaran de duniya de jhoote yaaran de
Karda ro Niazi toon sifatan mehboob mithal man thaar diyan
Share This Naat
Share with friends and family
کیڈا سوہنا روضہ سوہنے دا سیاں تک تک اکھیاں ٹھار دیاں
عبدالستار نیازی