اگر کوئے جناں کی راحتِ پیہم ضروری ہے
تو سینے میں شہیدِ کربلا کا غم ضروری ہے
Agar ko'e jana ki raht-e-peham zaruri hai
To sine mein shaheed-e-karbala ka gham zaruri hai
شبِ معراج دنیا کے ٹھہرنے سے ہوا ثابت
کہ جسمِ دو جہاں میں روحِ دو عالم ضروری ہے
Shab-e-Me'raj duniya ke theharne se huwa sabit
Ke jism-e-do jahan mein rooh-e-do aalam zaruri hai
تمنا ہے اگر صحرائے دل کو سبز کرنے کی
سرِ مژگاں گھنی برسات کا موسم ضروری ہے
Tamanna hai agar sahray-e-dil ko sabz karne ki
Sar-e-mizhgan ghani Barsaat ka mosam zaruri hai
ہمیں لا ترفعوا سے یہ سبق بھی سیکھنا ہوگا
تنفس بھی حضورِ شاہ میں مدھم ضروری ہے
Hamein la tarfa'u se ye sabaq bhi seekhna hoga
Tanafus bhi huzoor-e-shah mein madhum zaruri hai
حروفِ عجز سجدہ ریز ہو کر سرخرو ہوں گے
درِ تمدیح پر نوکِ قلم کا خم ضروری ہے
Huroof-e-ajaz sajda rez ho kar surkhru honge
Dar-e-tamdi'h par nok-e-qalam ka khum zaruri hai
اگر ہے مزرعِ دل میں گلِ دیدار کی خواہش
زمینِ قلب میں حبِ نبی کا نم ضروری ہے
Agar hai mazra-e-dil mein gul-e-didar ki khwahish
Zameen-e-qalb mein Hub-e-nabi ka nam zaruri hai
خطاؤں کے پرانے گھاؤ بھرنے کے لئے ناعت
لعابِ سرورِ کونین کا مرہم ضروری ہے
Khataon ke purane ghaon bharne ke liye na'at
Lu'ab-e-Sarwar-e-konain ka marham zaruri hai
Share This Naat
Share with friends and family
اگر کوئے جناں کی راحتِ پیہم ضروری ہے
اشفاق احمد غوری