تم ہو حسرت نکالنے والے
نامرادوں کے پالنے والے
Tum ho hasrat nikaalne wale
Naamradoon ke paalne wale
میرے دشمن کو غم ہو بگڑی کا
آپ ہیں جب سنبھالنے والے
Mere dushman ko gham ho bigri ka
Aap hain jab sambhalne wale
تم سے منہ مانگی آس ملتی ہے
اور ہوتے ہیں ٹالنے والے
Tum se munh maangi aas milti hai
Aur hote hain taalne wale
لب جاں بخش سے جلا دِل کو
جان مردے میں ڈالنے والے
Lab jaan bakhsh se jala dil ko
Jaan murde mein daalne wale
دستِ اَقدس بجھا دے پیاس میری
میرے چشمے اُبالنے والے
Dast-e-aqdas bujha de pyaas meri
Mere chashme ubaalne wale
ہیں ترے آستاں کے خاک نشیں
تخت پر خاک ڈالنے والے
Hain tere aastaan ke khaak nasheen
Takht par khaak daalne wale
روزِ محشر بنا دے بات مری
ڈھلی بگڑی سنبھالنے والے
Roz-e-mahshar bana de baat meri
Dhali bigri sambhalne wale
بھیک دے بھیک اپنے منگتا کو
اے غریبوں کے پالنے والے
Bheek de bheek apne mangta ko
Ae ghareeboon ke paalne wale
ختم کردی ہے اُن پہ موزونی
واہ سانچے میں ڈھالنے والے
Khatam kardi hai un pe maouzooni
Waah sanche mein dhalne wale
ان کا بچپن بھی ہے جہاں پرور
کہ وہ جب بھی تھے پالنے والے
In ka bachpan bhi hai jahan parwar
Ke woh jab bhi the paalne wale
پار کر ناؤ ہم غریبوں کی
ڈُوبتوں کو نکالنے والے
Paar kar nao hum ghareeboon ki
Doobhton ko nikaalne wale
خاکِ طیبہ میں بے نشاں ہو جا
اَرے اَو نام اُچھالنے والے
Khaak-e-taybah mein be nishaan ho ja
Are o naam uchhalne wale
کام کے ہوں کہ ہم نکمے ہوں
وہ سبھی کے ہیں پالنے والے
Kaam ke hon ke hum nikamme hon
Woh sabhi ke hain paalne wale
زَنگ سے پاک صاف کر دل کو
اَندھے شیشے اُجالنے والے
Zang se paak saaf kar dil ko
Andhe sheeshe ujaalne wale
خارِ غم کا حسنؔ کو کھٹکا ہے
دِل سے کانٹا نکالنے والے
Khaar-e-gham ka Hasan ko khatka hai
Dil se kaanta nikaalne wale
Share This Naat
Share with friends and family
تم ہو حسرت نکالنے والے
حسن رضا خان