تُو قاسمِ انوار ہے جب تُو نے نظر کی
تقدیر چمکنے لگی خُورشید و قمر کی
Tu Qasim-e-Anwar hai jab tu ne nazar ki
Taqdeer chamakne lagi Khursheed o qamar ki
شاید تِرا پیغام صَبا گزری ہے لے کر
خوشبُو یہی کہتی ہے مُجھے راہگزر کی
Shayad tira paighaam saba guzri hai le kar
Khushbu yahi kehti hai mujhe rahguzar ki
جب تک نہ لیا تیری توجّہ سے اُجالا
قندیل فروزاں نہ ہُوئی فکر و نظر کی
Jab tak na liya teri tawajjo se ujala
Qandeel farozan na hui fikr o nazar ki
جب تک نہ مرتّب کیا اک دستِ کرم نے
زُلفیں ہی پریشاں رہیں تہذیبِ بشر کی
Jab tak na murattab kiya ek dast-e-karam ne
Zulfen hi pareshan rahin tehzeeb-e-bashar ki
جب تک نہ ملی تیرے تبسّم سے تجلّی
پھیکی ہی رہیں رنگتیں رخسارِ سحر کی
Jab tak na mili tere tabassum se tajalli
Pheeki hi rahin rangatein rukhsar-e-sehar ki
مَیں اور مسلسل تپشِ ہجرِ مدینہ
ناساز طبیعت ہے مرے قلب و جگر کی
Main aur musalsal tapish-e-hijr-e-Madina
Nasaz tabiyat hai mere qalb o jigar ki
مَیں تیرے سوا اور کِسی سے نہیں واقف
صد شُکر یہی حد ہے مِرے عِلم و خبر کی
Main tere siwa aur kisi se nahin waqif
Sad shukr yahi had hai mere ilm o khabar ki
سب میرا ازل، میرا ابد اُس پہ نچھاور
جو ساعتِ نایاب حضُوری میں بسر کی
Sab mera azal, mera abad us pe nichawar
Jo sa'at-e-nayaab huzoori mein basar ki
قدموں میں تو حاضر ہُوں طلب اور کروں کیا؟
اب مُجھ کو ضروت ہے دُعا کی نہ اثر کی
Qadmon mein to haazir hoon talab aur karoon kya?
Ab mujh ko zaroorat hai dua ki na asar ki
اُس جانِ بہاراں پہ نثار اس کے سبھی پھُول
یہ نعت جو کیاری ہے مرے دستِ ہُنر کی
Us jaan-e-baharaan pe nisaar us ke sabhi phool
Ye naat jo kyari hai mere dast-e-hunar ki
طیبہ میں ہُوں اب اور کہاں جاؤں گا عاصؔی
یہ منزلِ آخر ہے مُسافر کے سفر کی
Tayyiba mein hoon ab aur kahan jaoonga 'Asi
Ye manzil-e-aakhir hai musafir ke safar ki
Share This Naat
Share with friends and family
تُو قاسمِ انوار ہے جب تُو نے نظر کی
عاصی کرنالی