اب اس منزل پہ عمر مختصر ہے
سفر میں ہوں مدینہ ہمسفر ہے
Ab is manzil pe umr mukhtasir hai
Safar mein hoon Madina humsafar hai
مِلا ہے مجھ کو پھر اذنِ حضوری
کرم مجھ پر ہے اور بارِ دگر ہے
Mila hai mujh ko phir azn-e huzoori
Karam mujh par hai aur bar-e dagar hai
اطاعت کے لئے وہ ذاتِ اقدسؐ
خدا کے بعد سب سے معتبر ہے
Ataat ke liye woh zaat-e aqdas
Khuda ke baad sab se mo'tabar hai
لگن ہو تو درِ اقدس ہے کیا دُور
درُونِ قلب بھی اک رہگزر ہے
Lagan ho to dar-e aqdas hai kya door
Daroon-e qalb bhi ik rehguzar hai
مرے آقاؐ کی مجھ پر ہیں نگاہیں
مری اپنی خطاؤں پر نظر ہے
Mere Aqa ki mujh par hain nigahain
Meri apni khataon par nazar hai
طریقت‘ مسندِ حلقہ بگوشاں
شریعت‘ جادۂ خیر البشرؐ ہے
Tariqat, masnad-e halqa baghoshan
Shariat, jada-e khair ul bashar hai
رسالت کے بہت منصب ہیں لیکن
رسالت اصل میں حق کی خبر ہے
Risalat ke bohot mansab hain lekin
Risalat asal mein haq ki khabar hai
یہ میرے دور کی ہے کم نصیبی
بشر بیگانۂ خیر البشرؐ ہے
Ye mere dor ki hai kam nasibi
Bashar begaana-e khair ul bashar hai
حنیفؔ احمد ہے اس نسبت پہ نازاں
کہ اس کا نام اُنؐ کے نام پر ہے
Hanif Ahmad hai is nisbat pe nazan
Ke iska naam un ke naam par hai
Share This Naat
Share with friends and family
اب اس منزل پہ عمر مختصر ہے
حنیف اسعدی