مہتاب سے کِرنوں کا نہ خوشبو سے گلوں کا
جو ربط تِرے نام سے ہے میرے لبوں کا
Mehtaab se kirnooN ka na khushboo se guloN ka
Jo rabt tire naam se hai mere labooN ka
جب بھی تِرے کردار پہ دوڑاتا ہوں نظریں
سرمہ سا لگاتی ہے ہوا روشنیوں کا
Jab bhi tire kirdar pe doRAata hoon nazreN
Surma sa lagaati hai hawa roshniyoN ka
آہٹ ہے تِری میرے تصور سے بھی آگے
کس طرح تعین میں کروں تیری حدوں کا
Aahat hai tirI mere tasawwur se bhi aage
Kis tarah taayyun mein karooN teri hadooN ka
پتھر ہے سماعت ہی تِرے امتیوں کی
لپٹے تو ہر اک سے تِری آواز کا جھونکا
Patthar hai samaat hi tire umtiyoN ki
Lipte to har ek se tirI awaaz ka jhonka
اُن سُرخ دلوں کو نگہ سبز عطا کر
بھائے نہ جنھیں رنگ تِری انجمنوں کا
Un surkh diloN ko nigah sabz aata kar
Bhaaye na jinhaiN raNg tirI anjumanooN ka
سچائی کی دولت سے بھی بھر اُن کے خزانے
معیار فقط اونچا ہے جن پستہ قدوں کا
Sachchai ki doulat se bhi bhar un ke khazaane
Mi'yar faqat ooncha hai jin pista qadooN ka
اس ملک سے کرتا ہے بہت پیار مظفر
کعبے کی طرف کردے رُخ اِس کے صنموں کا
Is mulk se karta hai bohot pyaar Muzaffar
Ka'abe ki taraf karde rukh is ke sanamoN ka
Share This Naat
Share with friends and family
مہتاب سے کِرنوں کا نہ خوشبو سے گلوں کا
مظفر وارثی