رسولِ پاک کا روضہ تلاش کرتے ہیں
غلامِ کعبہ کا کعبہ تلاش کرتے ہیں
Rasool-e-pak ka roza talash karte hain
Ghulam-e-kabba ka kabba talash karte hain
نبی ہمارے ہیں اتنے ہی مہرباں ہم پر
برائے فضل بہانہ تلاش کرتے ہیں
Nabi humaray hain itnay hi mehrban hum par
Baraye fazl bahanah talash karte hain
وہ اُن کے در کی تجلی کہ سیکڑوں سورج
قدومِ پاک کا ذرّہ تلاش کرتے ہیں
Woh un ke dar ki tajalli ke sekroon sooraj
Qadum-e-pak ka zarrah talash karte hain
فرشتگانِ خدا حاضری دیں رات اور دن
طوافِ روضہ میں حصہ تلاش کرتے ہیں
Farishtagan-e-khuda hazri dein raat aur din
Tawaf-e-roza mein hissa talash karte hain
وہ کیسے لوگ ہیں کہتے ہیں جو بشر ان کو
خدا کے نور کا سایہ تلاش کرتے ہیں
Woh kaise log hain kehte hain jo bashar un ko
Khuda ke noor ka saaya talash karte hain
بشر وہ ایسے ہیں ملکوتیت بھی ناز کرے
فرشتے تلووں کا بوسہ تلاش کرتے ہیں
Bashar woh aise hain makhootiyat bhi naz kare
Farishtay talwon ka bosa talash karte hain
نجات جس پہ ہو موقوف ساری دنیا کی
وہ روزِ حشر کا سجدہ تلاش کرتے ہیں
Nijaat jis pe ho mauqoof saari duniya ki
Woh roz-e-hashr ka sajda talash karte hain
نبی رسول پیمبر قیامِ محشر میں
یہ کس شفیع کا چہرہ تلاش کرتے ہیں
Nabi Rasool paimbar qayam-e-mahshar mein
Yeh kis shafi ka chehra talash karte hain
زنانِ مصر نے کاٹی تھیں انگلیاں اپنی
ہم اپنے دل لیے جلوہ تلاش کرتے ہیں
Zanan-e-misr ne kaati theen angliyan apni
Hum apne dil liye jalwa talash karte hain
حجابِ نورِ خدا جس کا ایک حصہ ہو
ہم آنکھ والے وہ پردہ تلاش کرتے ہیں
Hijab-e-Noor-e-Khuda jis ka aik hissa ho
Hum aankh walay woh parda talash karte hain
تمہاری نعت میں نظمی یہ بندگانِ خدا
رضا کے رنگ کا جلوہ تلاش کرتے ہیں
Tumhari naat mein nazmi ye bandagaan-e-khuda
Raza ke rang ka jalwa talash karte hain
Share This Naat
Share with friends and family
رسولِ پاک کا روضہ تلاش کرتے ہیں
سید آل رسول حسنین میاں برکاتی نظمی