ادھار سانس ہیں جتنے بھی آسماں سے لیے
فقط ہیں انؐ کی محبت کے ارمغاں کے لیے
Udhaar saans hain jitne bhi aasmaan se liye
Faqat hain unؐ ki muhabbat ke armagaan ke liye
بس انؐ کا نام محبت سے کیا لیا میں نے
لبوں کے رحمتِ حق نے ہزار بوسے لیے
Bas unؐ ka naam muhabbat se kya liya main ne
Labon ke rehmat-e-haq ne hazaar bosay liye
حضورؐ سرورِ کونین کی نوازش سے
مروّتوں کے مدینے سے سب نے جذبے لیے
Huzoorؐ sarwar-e-konain ki nawazish se
Murawwaton ke madine se sab ne jazbe liye
تری وکیل بنے گی یہ روزِ محشر بھی
’’نبیؐ کی نعت ضروری ہے زندگی کے لیے‘‘
Teri wakeel banay gi yeh roz-e-mahshar bhi
"Nabiؐ ki naat zaroori hai zindagi ke liye"
وہ غوث و قطب و ولی ہوں قلندر و ابدال
درِ حضورؐ سے جڑ کر ہیں سب نے رتبے لیے
Woh ghaous o qutub o wali hon qalandar o abdaal
Dar-e-huzoorؐ se jurr kar hain sab ne rutbe liye
سوار ہو کے نبوّت کے نوری شانوں پر
سوائے ابنِ علیؓ کے ہیں جھولے کس نے لیے
Sawar ho ke nabuwat ke noori shanon par
Siwaye ibn-e-Aliؓ ke hain jhoole kis ne liye
قیامِ شہرِ مدینہ کے پاک لمحوں میں
بتائیں کیسے کہ ہم نے مزے ہیں کتنے لیے
Qiyaam-e-shehr-e-Madina ke paak lamhon mein
Bataayen kaise ke hum ne maze hain kitne liye
نبیؐ کے شہر سے کس فرطِ شوق سے طاہرؔ
ہیں زائرین نے کتنے حسین تحفے لیے
Nabiؐ ke shehar se kis fard-e-shauq se Tahir
Hain zaireen ne kitne haseen tohfe liye
Share This Naat
Share with friends and family
ادھار سانس ہیں جتنے بھی آسماں سے لیے
پروفیسر محمد طاہر صدیقی