اے مالکِ کُل سیدِ ابرار اغثنی
اے حسنِ ازل رونقِ گلزار اغثنی
Ae Maalik-e-Kul Syed-e-Abrar Aghisni
Ae Husn-e-Azal Ronq-e-Gulzar Aghisni
ہوں محوِ ثنا فکر کے ہر تار اغِثنی
ہو کشتِ سخن میری ثمر بار اغِثنی
Hoon Mahw-e-Sana Fikr ke Har Tar Aghisni
Ho Kisht-e-Sukhan Meri Samar Bar Aghisni
بخشش کا ہوں ہر آن طلبگار اغِثنی
ہوں خوگرِ عصیاں و خطا کار اغِثنی
Bakhshish ka hoon Har Aan Talabgar Aghisni
Hoon Khogar-e-Asyan o Khata Kar Aghisni
اعدا ہیں مرے برسرِ پیکار اغِثنی
ہیں چاروں طرف لشکرِ جرّار اغِثنی
A'da hain Mere Barsar-e-Pekar Aghisni
Hain Charo'n Taraf Lashkar-e-Jarrar Aghisni
ہوں موجِ حوادث میں گرفتار اغِثنی
اے کشتیِ امّت کے نگہدار اغِثنی
Hoon Mouj-e-Hawadis mein Giriftar Aghisni
Ae Kashti-e-Ummat ke Nigehdar Aghisni
کیا کیا نہیں اس دل میں ہیں آزار اغِثنی
ہوں قیدِ معاصی میں گرفتار اغِثنی
Kya Kya Nahi Iss Dil mein hain Azar Aghisni
Hoon Qaid-e-Ma'si Mein Giriftar Aghisni
یہ سینہ بنے علم کا انمول دفینہ
حکمت کے خزانے کے گُہربار اغِثنی
Ye Seena Banay Ilm ka Anmol Dafeena
Hikmat ke Khazane ke Guharbar Aghisni
ہوں تشنہ دہن، سر پہ ہے خورشیدِ قیامت
”اے شافعِ محشر، شہِ ابرار اغِثنی“
Hoon Tishna Dahan, Sar pe hai Khurshid-e-Qiyamat
"Ae Shafi-e-Mahshar, Shah-e-Abrar Aghisni"
سرکار قلم مجھ کو پکڑنے کا ہنر دے
تو خامۂ قدرت کا ہے شہ کار اغِثنی
Sarkar Qalam Mujh ko Pakadnay ka Hunar De
Tu Khama-e-Qudrat ka hai Shah Kar Aghisni
اے کاش میں بن جاؤں مقدّر کا سکندر
ہو سر پہ شہا آپ کی پیزار اغِثنی
Ae Kaash, Mein Ban Jaoun Muqaddar Ka Sikandar
Ho Sar Pe Shaha Aap Ki Pizaar Aghisni
حسنین کا صدقہ اسے مل جائے خدارا
ہے در پہ کھڑا مفلسِ نادار اغِثنی
Hasnain ka Sadqa Ise Mil Jaye Khudara
Hai Dar Pe Khada Muflis-e-Nadar Aghisni
ہے سر پہ بَلاؤں کا، جفاؤں کا تسلط
جینا مرا اب ہوگیا دشوار اغِثنی
Hai Sar Pe Balaon ka, Jafaon ka Tasallut
Jeena Mera Ab Hogaya Dushwar Aghisni
کیوں کر ہو سفر طے مری ہستی کا اے آقا
ہر لمحہ ستانے لگے آزار اغِثنی
Kyun Kar Ho Safar Taay Meri Hasti ka Ae Aaqa
Har Lamha Stanay Lage Azar Aghisni
منگتا ہے کھڑا دامنِ امّید پسارے
اے مالکِ کُل، مونس و غم خوار اغِثنی
Mangta hai Khada Daman-e-Umeed Pasare
Ae Maalik-e-Kul, Munis o Ghamkhar Aghisni
جب آئے قضا اس کی مدینے میں ہی آئے
کرتا ہے دعا احمدِؔ بیمار اغِثنی
Jab aaye Qaza, Uski Madine Mein hi Aaye
Karta hai Dua Ahmad-e-Bemar Aghisni
Share This Naat
Share with friends and family
اے مالکِ کُل سیدِ ابرار اغثنی
مولانا طفیل احمد مصباحی