خدایا ! جائیں مکرر نبی کے روضے پر
جما لیں ہم وہیں بستر نبی کے روضے پر
Khudaya! jayein makarar Nabi ke rozae par
Jama lein hum wahiin bistar Nabi ke rozae par
اٹھائے نور کا دفتر نبی کے روضے پر
جھکا ہے گنبدِ بے در نبی کے روضے پر
Uthaye noor ka daftar Nabi ke rozae par
Jhuka hai gunbad-e be dar Nabi ke rozae par
سمجھتاہے درِ خیر البشر پہ خیر نہیں
اسی لئے نہ گیا شر نبی کے روضے پر
Samajhta hai dar-e Khair ul Bashar pe khair nahiin
Isi liye na gaya shar Nabi ke rozae par
فلک پہ جا کے چمکتا ہے تب کہیں سورج
جبین گھِستا ہے آکر نبی کے روضے پر
Falak pe ja ke chamakta hai tab kaheen sooraj
Jabeen ghista hai aakar Nabi ke rozae par
پڑا ہےسکتے کےعالم میں دیکھ کر منظر
پرندہ فکر کا بے پر نبی کے روضے پر
Para hai sakte ke aalam mein dekh kar manzar
Parinda fikar ka be par Nabi ke rozae par
خیالِ آیتِ لا ترفعوا رکھا ہم نے
زباں پہ قفل لگا کر نبی کے روضے پر
Khayaal-e aayat-e laa tarfa'u rakha hum ne
Zabaan pe qufal laga kar Nabi ke rozae par
جمالِ روئے نبی کا ہے یہ کمال شفیقؔ
ہر ایک شے ہے منور نبی کے روضے پر
Jamaal-e rooye Nabi ka hai ye kamaal Shafiq
Har aik shai hai manawar Nabi ke rozae par
Share This Naat
Share with friends and family
خدایا ! جائیں مکرر نبی کے روضے پر
شفیق ؔ رائے پوری