دِل کہتا ہے ہر وقت صفت اُن کی لکھا کر
کہتی ہے زباں نعت محمد کی پڑھا کر
Dil kahta hai har waqt sifat un ki likha kar
Kahti hai zubaan naat Muhammad ki parha kar
اس محفل میلاد میں اے بندۂ سرکار
جب آئے دُرود اس شہِ عالم پہ پڑھا کر
Is mehfil-e-meelad mein ae bandah-e-sarkar
Jab aaye durood us Shah-e-Alam pe parha kar
خالی کبھی پھیرا ہی نہیں اپنے گدا کو
اے سائلو مانگو تو ذرا ہاتھ اُٹھا کر
Khali kabhi phera hi nahin apne gada ko
Ae saailo mango to zara haath utha kar
خود اپنے بھکاری کی بھرا کرتے ہیں جھولی
خود کہتے ہیں یارب مرے منگتا کا بھلا کر
Khud apne bhikari ki bhara karte hain jholi
Khud kehte hain ya rab mere mangta ka bhala kar
اَعدا سے جفا پر ہو جفا اور یہ دعا دیں
یارب انہیں ایمان کی تو آنکھ عطا کر
Aada se jafa par ho jafa aur ye dua dein
Ya rab unhein imaan ki to aankh ata kar
کفارِ بداَطوار سے پڑھواتے ہیں کلمہ
اِک چاشنیٔ لذتِ دیدار چکھا کر
Kuffar-e-bad-a'twar se parhwate hain kalma
Ek chaashni-e-lazzat-e-deedaar chakhakar
اے اَبر کرم بارشِ رحمت تری ہوجائے
ہو جائیں گنہگار ابھی پاک نہا کر
Ae abr-e-karam barish-e-rehmat teri ho jaye
Ho jayein gunahgaar abhi paak naha kar
کیا دُور ہے سرکار مَدینہ کے کرم سے
تھوڑی سی جگہ دیں ہمیں طیبہ میں بلا کر
Kya dur hai Sarkar-e-Madina ke karam se
Thodi si jagah dein humein Taybah mein bula kar
گر ہند میں مرتا ہے کوئی عاشق صادق
لے جاتے ہیں طیبہ میں مَلک اس کو اُٹھا کر
Gar Hind mein marta hai koi aashiq-e-sadiq
Le jate hain Taybah mein malak usko utha kar
بہکاتا ہے یوں نفس کہ گھر چھوڑ نہ اپنا
اِیمان یہ کہتا ہے مَدینے میں رہا کر
Behkata hai yun nafs ke ghar chhod na apna
Imaan ye kehta hai Madine mein raha kar
اے بادِ صبا اِتنا کرم بہرِ خدا کر
لے جا تو مَدینے کو مری خاک اُڑا کر
Ae baad-e-saba itna karam behre Khuda kar
Le ja tu Madine ko meri khak udaa kar
جو خلد نہ چاہیں گے مَدینے کے عوض میں
لے جائیں گے رِضواں اُنہیں جنت میں منا کر
Jo khalid na chahenge Madine ke ewaz mein
Le jayein ge Ridwan unhein jannat mein mana kar
ہوگا نہ اثر ہم پہ کہ ہم عبد نبی ہیں
ہاں آتش دوزخ ہمیں دیکھے تو جلا کر
Hoga na asar hum pe ke hum Abd-e-Nabi hain
Haan aatish-e-dozakh humein dekhe to jala kar
کیا مہر قیامت ہمیں دِکھلائے گا تیزی
سرکار رکھیں گے ہمیں دامن میں چھپا کر
Kya mehr-e-qayamat humein dikhlaega tezi
Sarkar rakhenge humein daaman mein chhupa kar
مجرم سہی بدکار سہی پر ہے یقیں یہ
ہم خلد میں جائیں گے کہ مولیٰ کے ہیں چاکر
Mujrim sahi badkar sahi par hai yaqeen ye
Hum Khalid mein jayein ge ke Maula ke hain chakar
ہے نازوں کی پالی ہوئی یہ اُمتِ عاصی
مولیٰ یہ کہیں گے کہ رِہا اس کو خدا کر
Hai naazon ki paali hui ye Ummat-e-Aasi
Maula ye kehenge ke riha isko Khuda kar
تو حشر میں اللہ نبی سے یہ کہے گا
محبوب جسے چاہے تو دوزخ سے رِہا کر
Tu hashr mein Allah Nabi se ye kahe ga
Mehboob jise chahe tu dozakh se riha kar
ہے کون وہ دولت جو نہ دی اُن کو خدا نے
وہ کون سی شے ہے جو رکھی اُن سے چھپا کر
Hai kaun wo daulat jo na di unko Khuda ne
Wo kaun si shai hai jo rakhi unse chhupa kar
مختار بنا کر انہیں فرمایا خدا نے
جو چاہے نہ دے اور جسے جو چاہے عطا کر
Mukhtar bana kar unhein farmaaya Khuda ne
Jo chahe na de aur jise jo chahe ata kar
یہ عزت و رِفعت کہ ہر اِک شے پہ خدا نے
نام اُن کا لکھا نام سے ہے اپنے ملا کر
Ye izzat o rifat ke har ik shai pe Khuda ne
Naam unka likha naam se hai apne mila kar
اللہ نے دی تیرے غلاموں کو یہ قوت
مردوں کو جلا دیتے ہیں لب اپنے ہلا کر
Allah ne di tere ghulaamon ko ye quwwat
Murdon ko jala dete hain lab apne hila kar
عالم کی خبر رکھتے ہیں گر وہ تو عجب کیا
بھیجا ہے خدا نے انہیں ہر علم سکھا کر
Alam ki khabar rakhte hain gar wo to ajab kya
Bheja hai Khuda ne unhein har ilm sikha kar
تعلیم دی اِک نام کو جبریلِ امیں نے
عالم کیا اللہ نے خود ان کو پڑھا کر
Taleem di ek naam ko Jibreel-e-Ameen ne
Alam kya Allah ne khud un ko padha kar
آجانا مَدد کے لیے اے مَاہِ مَدینہ
اَحباب چلیں قبر میں جب مجھ کو سلا کر
Aa jana madad ke liye ae Maah-e-Madina
Ahbaab chalein qabr mein jab mujh ko sula kar
اِک جام مئے عشق کا بندہ کو پلا کر
یا شاہِ عرب اپنی محبت میں فنا کر
Ek jaam-e-may-e-ishq ka banda ko pila kar
Ya Shah-e-Arab apni muhabbat mein fana kar
یہ حکم ملا رُوحِ امیں کو شب معراج
جبریل ابھی لا مرے پیارے کو بلا کر
Ye hukm mila Ruh-e-Ameen ko Shab-e-Me'raj
Jibreel abhi la mere pyare ko bula kar
حاضر درِ اَقدس پہ ہوئے رُوحِ مُعَظَّم
اور عرض یہ کی رحمت عالم سے جگا کر
Haazir dar-e-Aqdas pe hue Ruh-e-Mu'azzam
Aur arz ye ki Rehmat-e-Alam se jaga kar
حاضر ہے براق اور ہے طالب کا تقاضا
ہے حکم کہ لاؤ مرے محبوب کو جا کر
Haazir hai Buraq aur hai talib ka taqaza
Hai hukm ke laao mere Mehboob ko jaa kar
دولہا بنے تیار ہوئے صاحب معراج
اور لے چلے جبریل سواری کو سجا کر
Dulha bane tayyar hue Saahib-e-Me'raj
Aur le chale Jibreel sawaari ko saja kar
سدرہ پہ تھکے بازوئے جبریل تو آگے
رَفرف نے انہیں چھوڑ دیا عرش پہ لا کر
Sidra pe thake baazu-e-Jibreel to aage
Rafraf ne unhein chhod diya Arsh pe la kar
تنہائی سے خائف ہوئے جب شاہ تو رب نے
تسکین دی صدیق کی آواز سُنا کر
Tanhai se kha'if hue jab Shah to Rab ne
Taskeen di Siddiq ki awaaz suna kar
پھر عرش سے پار اپنے قریں ان کو بلایا
سب کچھ دیا محبوب کو دِیدار دکھا کر
Phir Arsh se paar apne qareen unko bulaaya
Sab kuch dia Mehboob ko deedaar dikha kar
محبوب نے کی عرض کہ مولیٰ مری امت
تو آج کی شب نارِ جہنم سے رہا کر
Mehboob ne ki arz ke Maula meri ummat
Tu aaj ki shab naar-e-jahannum se riha kar
جانِ دوجہاں رحمت عالم پہ ہو قرباں
آیا شب معراج غلاموں کو چھڑا کر
Jaan-e-do jahan Rehmat-e-Alam pe ho qurbaan
Aaya Shab-e-Me'raj ghulaamon ko chhuda kar
وہ روز جمیلؔ رضوی کو ہو مُیَسَّر
کچھ نعت پڑھے روضہ پُرنور پہ آکر
Wo roz Jameel-e-Rizvi ko ho muyassar
Kuch naat padhe Rawza-e-Purnoor pe aakar
Share This Naat
Share with friends and family
دِل کہتا ہے ہر وقت صفت اُن کی لکھا کر
جمیل الرحمن قادری