میلادِ محمد جو منانے میں لگے ہیں
ہم کو وہ بھلے لوگ زمانے میں لگے ہیں
Milaad-e-Muhammad jo mananay mein lage hain
Hum ko woh bhale log zamane mein lage hain
تہذیب و محبت کے اُخوت کے ہیں خُوگر
سرکار کا جو ذکر سُنانے میں لگے ہیں
Tehzeeb o mohabbat ke ukhuwat ke hain khugar
Sarkar ka jo zikr sunanay mein lage hain
میلادِ نبی کرتے ہیں اخلاص سے جو بھی
اسلام کی شوکت وہ بڑھانے میں لگے ہیں
Milaad-e-Nabi karte hain ikhlas se jo bhi
Islam ki shaukat woh barhane mein lage hain
مِٹ جائیں گے سب نام ونِشاں اُن کے جہاں سے
سرکار کا جو ذِکر مِٹانے میں لگے ہیں
Mit jaayenge sab naam o nishan un ke jahan se
Sarkar ka jo zikr mitane mein lage hain
ذکرِ شہِ کونین تو بڑھتا ہی رہے گا
گھاٹے میں ہیں جو اس کو گھٹانے میں لگے ہیں
Zikr-e-Shahe Konain to barhta hi rahe ga
Ghate mein hain jo is ko ghatane mein lage hain
کہتے ہیں کہ میلاد کا تم لاؤ حوالہ
اعدائے نبی حِیلے بہانے میں لگے ہیں
Kehte hain ke milaad ka tum lao hawala
A'daye Nabi heelay bahane mein lage hain
نورِ شہِ بطحیٰ سے لحد ہوگی مُنوّر
جو دِیپ مسرّت کے جلانے میں لگے ہیں
Noor-e-Shahe Bat'ha se lahd hogi munawwar
Jo deep musarrat ke jalane mein lage hain
دل سے جو پُکارا ہے کبھی سرورِ دِیں کو
لمحے بھی نہیں آپ کے آنے میں لگے ہیں
Dil se jo pukara hai kabhi sarwar-e-deen ko
Lamhay bhi nahin aap ke aane mein lage hain
کیا بات ہے عُشاقِ شہِ ارض و سما کی
بے دیکھے یہ سر اپنا کٹانے میں لگے ہیں
Kya baat hai ushhaq-e-Shahe arz o sama ki
Be dekhe yeh sar apna katane mein lage hain
مرزا نہ کبھی یاد کو تم اُن کی بُھلانا
وہ ناز جو اُمت کے اُٹھانے میں لگے ہیں
Mirza na kabhi yaad ko tum un ki bhulana
Woh naaz jo Ummat ke uthane mein lage hain
Share This Naat
Share with friends and family
میلادِ محمد جو منانے میں لگے ہیں
مرزا جاوید بیگ عطاری