جن کو نبیؐ کی ذات کا عرفان مل گیا
دارین میں نجات کا سامان مل گیا
Jin ko Nabi (SAW) ki zaat ka irfaan mil gaya
Dareen mein najat ka samaan mil gaya
ان پر نثار میں مرے اہل و عیال سب
جن کے کرم سے تحفۂ ایمان مل گیا
Un par nisaar mein merey ahl o ayaal sab
Jin ke karam se tohfa-e-imaan mil gaya
شکرِ خدا، کتابِ الٰہی کے ساتھ ساتھ
خوش ہوں کہ عشقِ صاحبِ قرآن مل گیا
Shukar-e-Khuda, kitaab-e-ilahi ke saath saath
Khush hoon ke ishq-e-saahib-e-Quran mil gaya
جس کو درِ رسولؐ پہ آئی اجل ، اُسے
اس نسبتِ رسولؐ کا فیضان مل گیا
Jis ko dar-e-Rasool (SAW) pe aayi ajal, usay
Is nisbat-e-Rasool (SAW) ka faizaan mil gaya
سب کچھ درِ رسولؐ کی نسبت کا فیض ہے
ہم عاصیوں کو مژدۂ غفران مل گیا
Sab kuch dar-e-Rasool (SAW) ki nisbat ka faiz hai
Hum aasion ko mujda-e-ghufraan mil gaya
نازاں ہیں ہم غلامیٔ آقاؐ پہ اس لیے
اس فرش پر ،وہ عرش کا مہمان مل گیا
Naazaan hain hum ghulami-e-aqa (SAW) pe is liye
Is farsh par, woh arsh ka mehmaan mil gaya
میں تو سراپا شکر ہوں عبدِ جلیل ہوں
مجھ بے نوا کو زیست کا سامان مل گیا
Main to saraapa shukar hoon abd-e-Jaleel hoon
Mujh be-nawa ko zeest ka samaan mil gaya
Share This Naat
Share with friends and family
جن کو نبیؐ کی ذات کا عرفان مل گیا
حافظ عبدالجلیل