naat
دنیا کی کشمکش میں نہ فکرِ وباء میں ہم
دنیا کی کشمکش میں نہ فکرِ وباء میں ہم
یہ سال بھی گزاریں گے مدح و ثناء میں ہم
Duniya ki kashmakash mein na fikr-e-waba mein hum
Yeh saal bhi guzarain ge madh o sana mein hum
ہر سال حاضری کی سند دستخط شدہ
اِس سال جا کے لائیں گے دستِ دعا میں ہم
Har saal hazri ki sanad dastakht shuda
Is saal ja ke laeinge dast-e-dua mein hum
مکّے میں گزریں کاش کہ ذوالحج کے رات دن
رمَضان جب گزار لیں شہرِ عطا میں ہم
Makkey mein guzrein kaash ke Zilhajj ke raat din
Ramazan jab guzaar lain shehr-e-ata mein hum
تیرے قریب ہی کہیں اے آفتابِ حسن !
تھامیں رکھیں گے فکر و قلم کی لگامیں ہم
Tere qareeb hi kahi Aye aftaab-e-husn!
Thamay rakhein ge fikr o qalam ki lagaamien hum
آلِ عبا کے عشق میں رہتے ہیں ہر گھڑی
گویا کہ رہ رہے ہیں دلِ مصطفٰی میں ہم
Aal-e-Aba ke ishq mein rehte hain har ghari
Goya ke reh rahe hain dil-e-Mustafa mein hum
آواز آئی کون بچائے گا دیں مِرا
بولے حسین وادئ کرب و بلا میں ہم
Aawaaz aayi kon bachayega deen mera
Bole Hussain waadi-e-Karb-o-Bala mein hum
کونین کے حسین نظاروں سے پوچھ لو
کیوں گم ہیں شوقِ دیدِ رخِ والضُّحٰی میں ہم
Konain ke haseen nazaroon se pooch lo
Kyun gum hain shauq-e-deed-e-rukh-e-wa-az-zuha mein hum
بس مقصدِ حیاتِ تبسم یہی تو ہے
بِیتائیں قربِ گنبدِ خضرٰی میں شامیں ہم
Bas maqsad-e-hayaat-e-tabasum yehi to hai
Bitaaein qurb-e-gumbad-e-Khizra mein shaamien hum
Share This Naat
Share with friends and family
دنیا کی کشمکش میں نہ فکرِ وباء میں ہم
حافظ محمد ابوبکر تبسمؔ