ہے یہ خُلقِ شہِ کونین کے فیضان کی خوشبو
فضائے دہر میں پھیلی ہے جو ایمان کی خوشبو
hai yeh khulk-e shah-e konain ke faizan ki khushbu
faza-e dehr mein phaili hai jo imaan ki khushbu
نبیؐ کی جلوہ آرائی کے صدقے دشت و صحرا میں
بسی ہے آج گلزاروں کی نخلستان کی خوشبو
Nabi ki jalwa aaraai ke sadqe dasht o sahra mein
basi hai aaj gulzaron ki nakhlstaan ki khushbu
نبیؐ کے جسمِ اطہر کے پسینے کی جو خوشبو ہے
نہ ایسی مشک و صندل کی نہ ہے ریحان کی خوشبو
Nabi ke jism-e athar ke paseene ki jo khushbu hai
na aisi mushk o sandal ki na hai rehaan ki khushbu
ہیں مثلِ کاغذی گل وہ گل و غنچے عبادت کے
نہیں جن میں نبی کے عشق کے فیضان کی خوشبو
hain misl-e kaaghazi gul wo gul o ghunche ibaadat ke
nahi jin mein Nabi ke ishq ke faizan ki khushbu
ہے جیسی عطر بیزی باغِ طیبہ کے گلِ تر کی
نہیں ایسی ارم کے پھولوں کے گلدان کی خوشبو
hai jesi itr behaazi baagh-e Taiba ke gul-e tar ki
nahi aisi aram ke phoolon ke guldaan ki khushbu
تلاوت جب بھی ہوتی ہے کلام اللہ کی گھر میں
معطر سارا گھر کر دیتی ہے قرآن کی خوشبو
talaawat jab bhi hoti hai kalaam Allah ki ghar mein
muattar saara ghar kar deti hai Quran ki khushbu
مہک اُٹھے فضائے روح و دل بوئے عبادت سے
سوا ہو جائے طیبہ جاتے ہی ایمان کی خوشبو
mehka uthay faza-e rooh o dil booye ibaadat se
sawa ho jaye Taiba jaatay hi imaan ki khushbu
معطر کر رہی ہے گلشنِ اسلام کو اب تک
حسینی جذبۂ ایثار کے فیضان کی خوشبو
muattar kar rahi hai gulshan-e Islam ko ab tak
Hussaini jazba-e eesaar ke faizan ki khushbu
شرف احسؔن کو یا رب نعت گوئی کا عطا کردے
بسا کر فکر و فن میں کعب اور حسّان کی خوشبو
sharf ahsan ko ya rab naat goi ka ata karde
basa kar fikr o fun mein Kaab aur Hassan ki khushbu
Share This Naat
Share with friends and family
ہے یہ خُلقِ شہِ کونین کے فیضان کی خوشبو
احسن اعظمی