دست بستہ ہیں درِ سرکارؐ پہ حاضر غلام
سر جھکا کر پیش کرتے ہیں غلامانہ سلام
Dast basta hain dar-e-sarkarؐ pe haazir ghulaam
Sar jhuka kar paish karte hain ghulaamana salaam
جب مدینے کی مقدّس سر زمیں پر ہو قیام
دل کو ہوتا ہے فقط سرکارؐ کی چوکھٹ سے کام
Jab Madeene ki muqaddas sar zameen par ho qiyaam
Dil ko hota hai faqat sarkarؐ ki chaukhat se kaam
ہر طرف میلادِ شاہِؐ دو سرا کی دھوم دھام
عاشقانِ مصطفیٰؐ کی ہے محبت کا پیام
Har taraf Meelaad-e-Shahؐ-e-Du Sara ki dhoom dhaam
Aashiqan-e-Mustafaؐ ki hai mohabbat ka peyaam
کس قدر تاثیر پائیں گے دل و روح و بدن
ساقیِ کوثر نے بخشا جب لبِ تشنہ کو جام
Kis kadar taseer paayein ge dil o rooh o badan
Saaqi-e-Kausar ne bakhsha jab lab-e-tishna ko jaam
یاد آتا ہے دلوں کو لہجۂ وحیِ خدا
جب غلاموں کے لبوں پہ آپؐ کا آتا ہے نام
Yaad aata hai dilo ko lehja-e-Wahi-e-Khuda
Jab ghulaamon ke labon pe aapؐ ka aata hai naam
خاکِ طیبہ پر ہے ملتا یوں عبادت کو فروغ
ایک سجدے میں ہزاروں سجدوں کا ہے انضمام
Khaak-e-Taybah par hai milta yun ibaadat ko farogh
Ek sajde mein hazaaron sajdon ka hai inzimaam
آخرِ شب اشکباری یادِ شہرِ خلد میں
کشتِ دل کی آبیاری کا ہے طاہرؔ انتظام
Aakhir-e-shab ashkbaari yaad-e-shehr-e-khuld mein
Kasht-e-dil ki aabiyari ka hai Tahirؔ intezaam
Share This Naat
Share with friends and family
دست بستہ ہیں درِ سرکارؐ پہ حاضر غلام
پروفیسر محمد طاہر صدیقی