دل میں اُترتے حرف سے ‘ مجھ کو ملا پتا ترا
معجزہ حسنِ صوت کا ‘زمزمہء صدا ترا
Dil mein utrte harf se ‘ mujh ko mila pata tera
Mojza husn-e-saut ka ‘ zamzama-e-sada tera
میرا کمالِ فن ‘ترے حسنِ کلام کا غلام
بات تھی جاں فزا تری ‘لہجہ تھا دِ ل رُبا ترا
Mera kamal-e-fan ‘ tere husn-e-kalam ka ghulam
Baat thi jaanfiza teri ‘ lehja tha dil ruba tera
جاں تری ‘ سر بسر جمال ! دل ترا‘ آئینہ مثال!
تجھ کو ‘ ترے عدو نے بھی دیکھا ‘ تو ہوگیا ترا
Jaan teri ‘ sar basar jamal! Dil tera‘ aaeena misaal!
Tujh ko ‘ tere adu ne bhi dekha ‘ to ho gaya tera
اے مرے شاہِ شرق و غرب ! نان جویں غذا تری
اے مرے بوریا نشیں ! سارا جہاں گدا ترا
Ae mere Shah-e-Sharq o Gharb! Naan jween ghiza teri
Ae mere boriya nasheen! Sara jahan gada tera
سنگ زنوں میں گھر کے بھی ‘ تو نے انہیں دعا ہی دی
دشتِ بلا سے بارہا ‘ گزرا ہے قافلہ ترا
Sang zonon mein ghar ke bhi ‘ tu ne inhein dua hi di
Dasht-e-bala se barha ‘ guzra hai qafila tera
کوئی نہیں تری نظیر روزِ ازل سے آج تک
تا بہ ابد نہیں مثیل ‘ کوئی ترے سوا ‘ ترا
Koi nahi teri nazeer roz-e-azal se aaj tak
Ta ba abad nahi maseel ‘ koi tere siwa ‘ tera
یوں تو ‘ تری رسائیاں ‘ فرش سے عرش تک محیط
میں نے تو اپنے دل میں بھی ‘ پایا ہے نقشِ پا ترا
Yun to ‘ teri rasaaiyan ‘ farsh se arsh tak muhiit
Mein ne to apne dil mein bhi ‘ paaya hai naqsh-e-pa tera
میرا تو کائنا ت میں ‘ تیرے سوا کوئی نہیں
ارض تری ‘ سما ترے بندے ترے ‘ خدا ترا
Mera to kainaat mein ‘ tere siwa koi nahi
Arz teri ‘ sama tere banday tere ‘ Khuda tera
آتے ہوئے دنوں سے بھی ‘ مجھ کو کوئی خطر نہیں
ماضی و حال میں بھی جب پورا ہوا کہا ترا
Aatay hue dinon se bhi ‘ mujh ko koi khatar nahi
Mazi o haal mein bhi jab poora hua kaha tera
دُور سہی دَیارِ نُور چُور سہی مرا شعور
تو مرا حوصلہ تو دیکھ ! میں بھی ہوں مبتلا ترا
Door sahi dayaar-e-noor choor sahi mera shuoor
Tu mera hosla to dekh! Main bhi hoon mubtala tera
Share This Naat
Share with friends and family
دل میں اُترتے حرف سے
احمد ندیم قاسمی