طوفان غم کے سر پہ جو آئے وہ ٹل گئے
ان کے کرم سے میرے مقدر بدل گئے
Toofan e gham ke sar pe jo aaye wo tal gaye
Unke karam se mere muqaddar badal gaye
انداز کتنے حسن طلب کے بدل گئے
دیوانے کوئے سرور دیں سر کے بل گئے
Andaaz kitne husn e talab ke badal gaye
Deewane koe sarwar e deen sar ke bal gaye
روداد غم سنانے کو جب لب نہ کھل سکے
پیش حضور بس مرے آنسو نکل گئے
Roodad e gham sunane ko jab lab na khul sake
Paish huzoor bas mere aansoo nikal gaye
یہ شہر مصطفیٰ کی محبت کا اثر ہے
دیوانے سن کے ذکر مدینہ مچل گئے
Yeh shehar e Mustafa ki mohabbat ka asar hai
Deewane sun ke zikr e Madina machal gaye
اعجاز ہے یہ ذکر رسالت مآب کا
لمحات غم تھے جتنے بھی خوشیوں میں ڈھل گئے
Aijaaz hai yeh zikr e Risalat Maab ka
Lamhaat e gham the jitne bhi khushiyon mein dhal gaye
یہ بارگاہ سید عالم ہے دوستو
آواز اونچی ہو گئی سارے عمل گئے
Yeh bargah e Syed e Aalam hai dosto
Aawaaz oonchi ho gayi saare amal gaye
ان کی کرم نوازیاں ہوں گی تو دیکھنا
گر آج ہم مدینے نہ پہنچے تو کل گئے
Unki karam nawaziyan hongi to dekhna
Gar aaj hum Madine na pahunche to kal gaye
سچ ہے نیازی ٹکڑے مدینے کے نام کے
میری حیات میرا مقدر بدل گئے
Sach hai Niazi tukde Madine ke naam ke
Meri hayat mera muqaddar badal gaye
Share This Naat
Share with friends and family
طوفان غم کے سر پہ جو آئے وہ ٹل گئے
عبدالستار نیازی