نور یٰسین ہے طٰہٰ ہے نبی کی مدحت
سارا قرآن خدا کا ہے نبی کی مدحت
Noor yasin hai taha hai nabi ki madah
Sara quran khuda ka hai nabi ki madah
عظمتِ مدحتِ سرکار ہے ظاہر اس سے
بر سرِ عرشِ معلیٰ ہے نبی کی مدحت
Azmat-e-madah-e-sarkar hai zahir is se
Bar sar-e-arsh-e-mualla hai nabi ki madah
شادمانی کا سماں ہو کہ غموں کا موسم
دل تو ہر حال میں کرتا ہے نبی کی مدحت
Shadmani ka samaan ho ke ghamon ka mausam
Dil to har haal mein karta hai nabi ki madah
اور کچھ حسنِ عمل پاس نہیں ہے میرے
آخرت کا یہی توشہ ہے نبی کی مدحت
Aur kuch husn-e-amal paas nahin hai mere
Aakhirat ka yahi tosha hai nabi ki madah
سارے اصنافِ سخن کرتے ہیں اس فن کا طواف
یعنی ہر علم کا قبلہ ہے نبی کی مدحت
Saare asnaf-e-sukhan karte hain is fan ka tawaf
Yani har ilm ka qibla hai nabi ki madah
ذہن و دل سن کے منور ہیں معطر بھی ہیں
نور و نکہت کا ذخیرہ ہے نبی کی مدحت
Zehn o dil sun ke munawwar hain muattar bhi hain
Noor o nakhat ka zakheera hai nabi ki madah
احتیاط اس میں ضروری ہے شفیقِؔ عاصی
سرِ شمشیر پہ چلنا ہے نبی کی مدحت
Ehtiyaat is mein zaroori hai Shafeeq aasi
Sar-e-shamsheer pe chalna hai nabi ki madah
Share This Naat
Share with friends and family
نور یٰسین ہے طٰہٰ ہے نبی کی مدحت
شفیق ؔ رائے پوری