تیری یاد میں میں مٹا رہوں مجھے دل سے اپنے مٹا نہ دے
ترے سنگ در پر پڑا رہوں کہیں مجھ کو کوئی اُٹھا نہ دے
Teri yaad mein mein mita rahoon mujhe dil se apne mita na de
Tere sang dar par para rahoon kahin mujh ko koi utha na de
تجھے یاد صبح و مسا کروں، ترے نام پر میں جیوں مروں
میں تری گلی سے پرے رہوں، مجھے ایسی کوئی سزا نہ دے
Tujhe yaad subah o masa karoon, tere naam par mein jiyoon maroon
Mein teri gali se pare rahoon, mujhe aisi koi saza na de
مجھے اپنے در سے جدا نہ کر مجھے اپنے غم سے رہا نہ کر
مجھے زندگی کی طلب نہیں مجھے زندگی کی دعا نہ دے
Mujhe apne dar se juda na kar mujhe apne gham se raha na kar
Mujhe zindagi ki talab nahin mujhe zindagi ki dua na de
میں فقیر مست الست ہوں نہ بلند ہوں نہ میں پست ہوں
میں ازل سے حسن پرست ہوں، مجھے درد دے تو دوا نہ دے
Mein faqeer mast alast hoon na buland hoon na mein past hoon
Mein azal se husn parast hoon, mujhe dard de to dawa na de
وہ گدا نواز ہیں ہوش کر ہے ادب یہی رہے چشم تر
یہ در حبیب ہے بے خبر یہاں نام لے کے صدا نہ دے
Woh gada nawaz hain hosh kar hai adab yahi rahe chashm tar
Ye dar Habeeb hai be khabar yahan naam le ke sada na de
کہاں معتبر ہے وہ آدمی نہیں اس کی کوئی بھی زندگی
نہ قبول اس کی ہو بندگی، ترا ذکر جس کو مزا نہ دے
Kahan mu'atabar hai woh aadmi nahin is ki koi bhi zindagi
Na qubool is ki ho bandagi, tera zikr jis ko maza na de
ہے نیازی کی یہی التجا ، یہی آرزو یہی مدعا
دہ جو دیکھے غیر کا در شہا ، مجھے ایسی آنکھ خدا نہ دے
Hai Niazi ki yahi iltija, yahi aarzoo yahi mad'ua
Deh jo dekhe ghair ka dar shaha, mujhe aisi aankh Khuda na de
Share This Naat
Share with friends and family
تیری یاد میں میں مٹا رہوں مجھے دل سے اپنے مٹا نہ دے
عبدالستار نیازی