ترا ظہور ہوا چشم نور کی رونق
ترا ہی نور ہے بزمِ ظہور کی رونق
Tera zuhoor hua chashm e noor ki ronak
Tera hi noor hai bazm e zuhoor ki ronak
رہے نہ عفو میں پھر ایک ذَرَّہ شک باقی
جو اُن کی خاکِ قدم ہو قبور کی رونق
Rahe na afu mein phir ek zarra shak baqi
Jo un ki khaak e qadam ho qaboor ki ronak
نہ فرش کا یہ تجمل نہ عرش کا یہ جمال
فقط ہے نور و ظہورِ حضور کی رونق
Na farsh ka ye tajammul na arsh ka ye jamaal
Fqat hai noor o zuhoor e huzoor ki ronak
تمہارے نور سے روشن ہوئے زمین و فلک
یہی جمال ہے نزدیک و دُور کی رونق
Tumhare noor se roshan hue zameen o falak
Yehi jamaal hai nazdik o door ki ronak
زبانِ حال سے کہتے ہیں نقش پا اُن کے
ہمیں ہیں چہرۂ غلمان و حور کی رونق
Zabaan e haal se kehte hain naqsh e paa un ke
Humen hain chehra e ghilman o hoor ki ronak
تِرے نثار ترا ایک جلوۂ رنگیں
بہارِ جنت و حور و قصور کی رونق
Tire nisaar tera ek jalwa e rangeen
Bahaar e jannat o hoor o qasoor ki ronak
ضیا زمین و فلک کی ہے جس تجلی سے
الٰہی ہو وہ دلِ ناصبور کی رونق
Zia zameen o falak ki hai jis tajalli se
Ilahi ho wo dil e nasboor ki ronak
یہی فروغ تو زیب صفا و زینت ہے
یہی ہے حسن و تجلی و نور کی رونق
Yehi farogh to zaib e safa o zeenat hai
Yehi hai husn o tajalli o noor ki ronak
حضور تیرہ و تاریک ہے یہ پتھر دل
تجلّیوں سے ہوئی کوہِ طور کی رونق
Huzoor teerah o taarik hai ye patthar dil
Tajalliyon se hui koh e toor ki ronak
سجی ہے جن سے شبستانِ عالم اِمکاں
وہی ہیں مجلس رَوزِ نشور کی رونق
Saji hai jin se shabistan e aalam imkaan
Wohi hain majlis e roz e nashoor ki ronak
کریں دلوں کو منور سراج کے جلوے
فروغِ بزمِ عوارِف ہو نور کی رونق
Karen dilon ko munawwar siraj ke jalwe
Farogh e bazm e awaarif ho noor ki ronak
دعا خدا سے غمِ عشقِ مصطفیٰ کی ہے
حسنؔ یہ غم ہے نشاط و سرور کی رونق
Dua khuda se gham e ishq e Mustafa ki hai
Hasan ye gham hai nashaat o suroor ki ronak
Share This Naat
Share with friends and family
ترا ظہور ہوا چشم نور کی رونق
حسن رضا خان