اے کہ تِرا وجودِ پاک باعثِ خلقِ کائنات
کون و مکاں کے واسطے نازش و فخر تیری ذات
Ae ke tira wujud-e-pak bais-e-khalq-e-kainat
Kon o makan ke wastay nazish o fakhr teri zaat
تیرے قدوم پاک کے فیض و اثر سے بِن گئی
روکشِ گلشنِ جناں دَہر کی بزمِ بے ثبات
Tere qudoom-e-pak ke faiz o asar se bin gayi
Roksh-e-gulshan-e-jinan dahr ki bazm-e-bay sabat
بزمِ جہاں میں تو ہوا شمع معرفت فروز
ظلمتِ کفر سے ہوئیں پاکِ جہان کی جہات
Bazm-e-jahan me tu hua shama marifat faroz
Zulmat-e-kufr se huin pak jahan ki jahat
پھیلا ہوا تھا ہر طرف رنگِ عِناد و اِنتقام
تو نے بنائے دَہر کو آکے غوامضِ حیات
Phaila hua tha har taraf rang-e-inad o intiqam
Tu ne banae dahr ko aake ghawamz-e-hayat
دَہر کے بے نیاز ہوش بَن گئے رشکِ اہلِ ہوش
تُو نے پِلائی ان کو وہ بادہء معرفت صفات
Dahr ke be niyaz hosh ban gaye rashk-e-ahl-e-hosh
Tu ne pilai in ko wo badah-e-marifat sifat
کر کے بلند و حدتِ رَبِّ قدیم کا عَلم
کر دیا اہلِ کُفر کو غرق یم ِ تحیّرات
Kar ke buland wahdat-e-rabbe-qadeem ka alam
Kar diya ahl-e-kufr ko ghrq yam-e-tahiyyarat
تو نے مٹَائیں محفلِ شرک خودی کی زینتیں
لرزہ بدوش کر دیئے پیکرِ لات اور منات
Tu ne mitain mehfil-e-shirk khudi ki zeenatein
Larzah badosh kar diye paikar-e-Lat aur Manat
سرور کُن فکاں تری اُمّتِ خستہ حال پر
گردشِ روزگار سے ٹوٹ پڑی ہیں مشکلات
Sarwar kun fikan teri ummat-e-khasta hal par
Gardish-e-rozgar se toot par rahi hain mushkilat
آہ وہ اُمتِ حزیں جِس کا جہاں میں نام تھا
جملہ اُمم میں تھی جو اِک صاحبِ احترام ذات
Aah wo ummat-e-hazin jis ka jahan me naam tha
Jumla umam me thi jo ik sahib-e-ehtram zaat
جس کا مقام برتری چرخ سے بھی بلند تھا
جس کے جلال و رعب سے خوف زدہ تھی کائنات
Jis ka maqam bartari charkh se bhi buland tha
Jis ke jalal o raeeb se khauf zada thi kainat
محو نہیں ہوئے ہنوز نقشے حنین و بَدر کے
جس کے مجاہدی اَدا جس کے شجاعی واقعات
Maho nahi huye hnuz naqshay Hunain o Badr ke
Jis ke mujahidi ada jis ke shujaee waqiat
جس نے دیا جہان کو مژدہ امن و آشتِی
جس سے دیارِ ظلم پر تنگ تھا عرصہ ء حیات
Jis ne diya jahan ko mushda aman o ashti
Jis se diaar-e-zulm par tang tha arsa-e-hayat
آج وہ اس کا کرّو فر جاہ و جلال کھو گیا
چھِن گئیں سر بلندیاں ‘ مِٹ گئے سب تجملات
Aaj wo us ka karru fur jah o jalal kho gaya
Chhin gain sar bulandiyaan ' mit gaye sab tajummulat
غیر کے آستانے پر آج ہے وہ خمِیدہ سَر
کرتی تھی دم میں منقلِب قوموں کے جو مقدّرات
Ghair ke astane par aaj hai wo khamida sar
Karti thi dam me manqalib qaumon ke jo muqaddrat
آہ یہ اُمّتِ غیور دینِ متِین سے نفور
خانہء رَب میں اَب نہیں یادِ خدا کی کوئی بات
Aah ye ummat-e-ghayur deen-e-mateen se nafur
Khana-e-rab me ab nahi yaad-e-Khuda ki koi baat
فعلِ نکو سے منحرف اور نہ شوقِ بندگی
تھیٹرو سینما ہیں اَب اس کے رہینِ التفات
Fae'l-e-niko se munharif aur na shauq-e-bandagi
Theatro cinema hain ab is ke raheen-e-iltae’at
مغربی عِلم ہو گیا باعثِ فخر اب اسے
مصحفِ پا ک اور حدیث ہو گئے کہنہ و اقعات
Maghrabi ilm ho gaya bais-e-fakhr ab ise
Mushaf-e-pak aur hadees ho gaye kohna waqiat
باقی رہیں نہ اس میں اب خلق و صفا کی خوبیاں
غیروں نے چھین لی ہیں سب اِس کی حسِین تر صفات
Baqi rahein na is me ab khalq o safa ki khubiyan
Ghairon ne chhin li hain sab is ki haseen tar sifat
اس کی نظر میں دلفریب رنگِ تمدّنِ فزنگ
کر دیئے محو سر بسَر اپنے سَلف کے واقعات
Is ki nazar me dil-fareb rang-e-tamaddun-e-farang
Kar diye maho sar basar apne salaf ke waqiat
رحمتِ عالمیں ؐ لقب اَب تو خدا کے واسطے
اُمّتِ خستہ حال پر ایک نگاہِ اِلتفات
Rehmat-e-almeen (SAW) laqab ab to Khuda ke wastay
Ummat-e-khasta hal par ek nigah-e-iltafaat
اَچھی ہے یا بُری ہے وہ تیری مگر غلام ہے
تیرے سِوا ہو کون اَب ‘ اس کا بوقتِ مشکلات
Achi hai ya buri hai wo teri magar ghulam hai
Tere siwa ho kon ab ' is ka bawaqt-e-mushkilat
حد سے گزر چکی ہیں اَب ‘ اس کی تبَاہ حالیاں
دیر نہ کر بدل بھی دے ‘ نقشہء محفلِ حیات
Had se guzar chuki hain ab ' is ki tabah haaliyaan
Der na kar badal bhi de ' naqsha-e-mehfil-e-hayat
گلشنِ دیں میں آئے پھر ‘ ایسی بہارِ جاوداں
جس میں کبھی خزاں نہ ہو‘ جس میں نہ ہوں تغیرات
Gulshan-e-deen me aaye phir ' aisi bahar-e-javedaan
Jis me kabhi khizaan na ho' jis me na hon taghayuraat
Share This Naat
Share with friends and family
اے کہ تِرا وجودِ پاک باعثِ خلقِ کائنات
نامعلوم