تری ہری بھری دُعا کے سائبان میں رہوں
مری یہ التجا کہ میں تری اَمان میں رہوں
Teri hari bhari dua ke saiban mein rahun
Meri yeh iltija ke mein teri aman mein rahun
مرا جنوں رہے سدا ترے ہی اختیار میں
میں ایک تیر کی طرح کڑی کمان میں رہوں
Mera junoon rahe sada tere hi ikhtiyar mein
Mein aik teer ki tarah kadhi kaman mein rahun
مجھے نہ چھو سکیں کبھی تھکی تھکی مسافتیں
میں دو جہاں کی سرحدوں کے درمیان میں رہوں
Mujhe na choo sakein kabhi thaki thaki musaften
Mein do jahan ki sarhaddon ke darmiyan mein rahun
مِری یہ آرزو کہ میں تراش کر وجود کو
ترے جواہرات کی بھری دکان میں رہوں
Meri yeh arzoo ke mein tarash kar wajood ko
Tere jawahraat ki bhari dukan mein rahun
مرا سفر نہ ختم ہو ترے وصال کے بغیر
میں جب تلک جیوں تری طرف اڑان میں رہوں
Mera safar na khatam ho tere wisal ke baghair
Mein jab talak jiyun teri taraf uran mein rahun
Share This Naat
Share with friends and family
تری ہری بھری دُعا کے سائبان میں رہوں
انجم نیازی