تیرے لہُو کو جب لہُو میرا بُلا ئے گا
آواز دے کے خود ہی سویرا بُلائے گا
Tere lahoo ko jab lahoo mera bulaaye ga
Aawaaz de ke khud hi sawera bulaaye ga
لیتے رہے جو تیرے اُصولوں سے مشورے
منزل کی سمت راستہ تیرا بُلائے گا
Lete rahe jo tere usoolon se mashware
Manzil ki simt rasta tera bulaaye ga
ہم پہلے تُجھ سے دُھوپ میں کھلنا تو سیکھ لیں
پھر چھاؤں میں بھی ابر گھنیرا بُلائے گا
Hum pehle tujh se dhoop mein khilna to seekh lein
Phir chhaon mein bhi abr ghanera bulaaye ga
بنیاد میں بھریں ہم اگر تیری آہٹیں
بے گھر مسافروں کو بسیرا بُلائے گا
Bunyaad mein bharein hum agar teri aahatein
Be-ghar musafiron ko basera bulaaye ga
بعیت اگر نہ کی گئی ظالم کے ہاتھ پر
تو خود ہی روشنی کو اندھیرا بُلائے گا
Ba’eat agar na ki gayi zalim ke haath par
To khud hi roshni ko andhera bulaaye ga
اپنوں کی سازشوں سے اگر باخبر رہے
دھو کے سے پھر نہ کوئی لٹیرا بُلائے گا
Apnon ki sazishon se agar bakhabar rahe
Dhokhe se phir na koi luteera bulaaye ga
تن پر لہُو پہن کے مظفّر چلے اگر
اپنی طرف حُسینی پھریرا بلائے گا
Tan par lahoo pehen ke Muzaffar chale agar
Apni taraf Husaini phareera bulaaye ga
Share This Naat
Share with friends and family
تیرے لہُو کو جب لہُو میرا بُلا ئے گا
مظفر وارثی