بے حِسی ، راہ نُما ٹھہری ہے
زندگی، خوفِ قضا ٹھہری ہے
Be hisi, rah numa thehri hai
Zindagi, khauf-e-qaza thehri hai
چھِن گئیں مجھ سے مِری روشنیاں
تِیرگی ، گھر کا دِیا ٹھہری ہے
Chhin gayi mujh se meri roshniyaan
Teeragi, ghar ka diya thehri hai
اپنے ہی خُوں میں نہا کر نِکلوں
چادرِ زخم ، قبا ٹھہری ہے
Apne hi khoon mein naha kar nikloon
Chadar-e-zakhm, qaba thehri hai
کِس کی زنجیر ہلاؤں جا کر
اب تو فریاد، خطا ٹھہری ہے
Kis ki zanjeer hilaoon ja kar
Ab to faryaad, khata thehri hai
بھُول بیٹھا ہُوں خُدا کو شاید
آکے ہو نٹوں پہ دُعا ٹھہری ہے
Bhool baitha hoon khuda ko shayad
Aake ho nonon pe dua thehri hai
کوئی منزل ہے نہ رستہ میرا
وقت ، دیکھے نہ تماشا میرا
Koi manzil hai na rasta mera
Waqt, dekhe na tamasha mera
پیاس بڑھتی ہی چلی جاتی ہے
سُو کھتا جاتا ہے دریا میرا
Pyaas badhti hi chali jaati hai
Sookhta jaata hai darya mera
عکسِ اَسلاف سے شِکوہ ہے مجھے
آئنہ ہو گیا دُھندلا میرا
Aks-e-aslaf se shikwa hai mujhe
Aaina ho gaya dhundla mera
مسجدِ رُوح میں ہوتی ہے اذاں
رُخ نہیں جانبِ کعبہ، میرا
Masjid-e-rooh mein hoti hai azan
Rukh nahi janib-e-kabba, mera
رحم، اَفلاس پہ میرے ، یارب
" یا مُحمّدؐ " ہو وظیفہ ، میرا
Reham, aflas pe mere, yarab
"Ya Muhammadﷺ" ho wazifa, mera
Share This Naat
Share with friends and family
بے حِسی ، راہ نُما ٹھہری ہے
مظفر وارثی