آئے ہر سال محرّم ، مرے اشکوں کی طرح
بجھنے لگتا ہوں نویں شب کے چراغوں کی طرح
Aaye har saal muharram, mere ashkon ki trah
Bujhne lagta hoon navein shab ke charaghon ki trah
میرے سینے سے بھی شعلوں کی لپٹ آتی ہے
شامِ عاشور کے جلتے ہوئے خیموں کی طرح
Mere seene se bhi sholon ki lapat aati hai
Shaam-e-ashoor ke jalte hue khemon ki trah
اب تو احباب بغلگیر ہوا کرتے ہیں
لشکرِ سعد سے آئے ہوئے تیروں کی طرح
Ab to ahbab baghalgeer hua karte hain
Lashkar-e-Sa'd se aaye hue teeron ki trah
وقت دریا پہ ہمیں بھی نہیں جانے دیتا
ہم بھی محصور ہیں صحراؤں میں پیا سوں کی طرح
Waqt darya pe hamen bhi nahi jane deta
Hum bhi mahsor hain seharaon mein pyaason ki trah
ظلم نے عشق کو نیزے پہ اٹھا رکھا ہے
عدل ہے، ریت پہ بکھری ہوئی لاشوں کی طرح
Zulm ne ishq ko neze pe utha rakha hai
Adl hai, ret pe bikhri hui lashon ki trah
کربلاؤں کے مسافر ہیں یقیناً ہم بھی
پیش آتی ہے یہ دنیا بھی یزیدوں کی طرح
Karbalaon ke musafir hain yaqeenan hum bhi
Paish aati hai ye duniya bhi Yazeedon ki trah
زندگی حوصلہء فتح ہمیں کیا دے گی
ہم تو پرچم بھی اٹھاتے ہیں جنازوں کی طرح
Zindagi hauslah-e-fatah humein kya de gi
Hum to parcham bhi uthate hain janazon ki trah
غیرتیں بیچ دیا کرتے ہیں بازاروں میں
بستیاں اپنی بسا لیتے ہیں کوفوں کی طرح
Ghairetein bech diya karte hain bazaron mein
Bastiyaan apni basa lete hain Koofon ki trah
تیغ کی طرح نیاموں سے نکلتے ہیں مگر
ٹوٹ بھی جاتے ہیں بزدل کے ارادوں کی طرح
Tegh ki trah niyamon se nikalte hain magar
Toot bhi jate hain buzdil ke iradon ki trah
کاش اتنی ہمیں توفیقِ جسارت مل جائے
سر اٹھا سکتے ہوں شبیر کے قدموں کی طرح
Kaash itni humein taufiq-e-jasarat mil jaye
Sar utha sakte hon Shabbir ke qadmon ki trah
Share This Naat
Share with friends and family
آئے ہر سال محرّم ، مرے اشکوں
مظفر وارثی