Manqabat
الاماں قہر ہے اے غوث وہ تِیکھا تیرا
الاماں قہر ہے اے غوث وہ تِیکھا تیرا
مر کے بھی چین سے سوتا نہیں مارا تیرا
alamaan qahr hai ae ghauth woh teekha tera
mar ke bhi chain se sota nahi mara tera
بادلوں سے کہیں رُکتی ہے کڑکتی بجلی
ڈھالیں چھنٹ جاتی ہیں اُٹھتا ہے جو تیغا تیرا
badalon se kahin rukti hai kadakti bijli
dhalen chhanat jati hain uthta hai jo teega tera
عکس کا دیکھ کے منھ اور بپھَر جاتا ہے
چار آئینہ کے بل کا نہیں نیزا تیرا
aks ka dekh ke munh aur baphar jata hai
chaar aaina ke bal ka nahi neza tera
کوہ سَرمُکھ ہو تو اِک وار میں دو پرَ کالے
ہاتھ پڑتا ہی نہیں بھول کے اوچھا تیرا
koh sarmukh ho to ek waar mein do par kale
haath padta hi nahi bhool ke oochha tera
اس پہ یہ قہر کہ اب چند مخالِف تیرے
چاہتے ہیں کہ گھٹا دیں کہیں پایہ تیرا
is pe ye qahr ke ab chand mukhalif tere
chahte hain ke ghata dein kahin paya tera
عَقْل ہوتی تو خدا سے نہ لڑائی لیتے
یہ گھٹائیں اسے منظور بڑھانا تیرا
aql hoti to khuda se na larai lete
ye ghataen ise manzoor barhana tera
وَرَفَعْنَا لَکَ ذِکْرَکْ کا ہے سایہ تجھ پر
بول بالا ہے تِرا ذِکر ہے اُونچا تیرا
wa rafanaa laka zikrak ka hai saya tujh par
bol bala hai tera zikr hai ooncha tera
مِٹ گئے مِٹتے ہیں مِٹ جائیں گے اَعدا تیرے
نہ مِٹا ہے نہ مِٹے گا کبھی چرچا تیرا
mit gaye mitte hain mit jaenge adda tere
na mita hai na mitega kabhi charcha tera
تُو گھٹائے سے کسی کے نہ گھٹا ہے نہ گھٹے
جب بڑھائے تجھےا للّٰہ تعالیٰ تیرا
tu ghatae se kisi ke na ghata hai na ghate
jab barhaye tujhe Allah ta'ala tera
سَمِّ قاتل ہے خدا کی قَسَم اُن کا اِنکار
مُنکرِ فَضْلِ حُضُور آہ یہ لکھا تیرا
summi qatil hai khuda ki qasam un ka inkaar
munkir-i fazli huzoor aah ye likha tera
میر ے سَیَّاف کے خنجر سے تجھے باک نہیں
چِیر کر دیکھے کوئی آہ کلیجا تیرا
mere saiyaaf ke khanjar se tujhe baak nahi
cheer kar dekhe koi aah kaleja tera
ابنِ زَہر اسے ترے دل میں ہیں یہ زہر بھرے
بَل بے اَو مُنکرِ بے باک یہ زَہرا تیرا
ibn-i zahr ise tere dil mein hain ye zahr bhare
bal be o munkir-i be baak ye zahra tera
بازِ اَ شْہَب کی غلامی سے یہ آنکھیں پھرنی
دیکھ اُڑ جائے گا ایمان کا طوطا تیرا
baaz-i ashab ki ghulami se ye aankhein phirni
dekh ur jaega imaan ka tota tera
شاخ پر بیٹھ کے جڑ کاٹنے کی فِکْر میں ہے
کہیں نیچا نہ دکھائے تجھے شجرا تیرا
shaakh par baith ke jar kaatne ki fikr mein hai
kahin neechana dikhaye tujhe shajara tera
حق سے بد ہو کے زمانہ کا بھلا بنتا ہے
ارے میں خُوب سمجھتا ہوں مُعَمَّا تیرا
haq se bad ho ke zamana ka bhala banta hai
are mein khoob samajhta hoon muamma tera
سگِ دَر قہر سے دیکھے تو بِکھرتا ہے ابھی
بند بندِ بدن اے رُو ِبہ دنیا تیرا
sag-i dar qahr se dekhe to bikharata hai abhi
band band-i badan ae ruba duniya tera
غَرض آقا سے کروں عَرْض کہ تیری ہے پناہ
بندہ مجبور ہے خاطِرپہ ہے قبضہ تیرا
gharaz aaqa se karoon arz ke teri hai panaah
banda majboor hai khatir pe hai qabza tera
حُکْم نافِذ ہے تِرا خامَہ تِرا سیف تِری
دم میں جو چاہے کرے دَور ہے شاہا تیرا
hukm naafiz hai tera khaamah tera saif teri
dam mein jo chahe kare daur hai shaha tera
جس کو للکار دے آتا ہو تو اُلٹا پھر جائے
جس کو چَمکار لے ہر پھر کے وہ تیرا تیرا
jis ko lalkaar de aata ho to ulta phir jaye
jis ko chamkaar le har phir ke woh tera tera
کنجیاں دل کی خدا نے تجھے دِیں ایسی کر
کہ یہ سینہ ہو محبت کا خزینہ تیرا
kunjiyaan dil ki khuda ne tujhe deen aisi kar
ke ye seena ho mohabbat ka khazina tera
دِل پہ کندہ ہو ترا نام کہ وہ دُزدِ رَجیم
اُلٹے ہی پاؤں پِھرے دیکھ کے طُغرا تیرا
dil pe kunda ho tera naam ke woh duzd-i rajeem
ulte hi paon phire dekh ke tughra tera
نزع میں ، گَور میں ، ِمیزاں پہ، سر ِپُل پہ کہیں
نہ چُھٹے ہاتھ سے دامانِ مُعلّٰی تیرا
na'za mein, gaur mein, mezaan pe, sar-i pul pe kahin
na chhute haath se daaman-i mualla tera
دُھوپ محشر کی وہ جاں سَوز قِیامت ہے مگر
مطمئن ہوں کہ مِرے سر پہ ہے پلّا تیرا
dhoop mahshar ki woh jaan soz qayamat hai magar
mutmain hoon ke mere sar pe hai plla tera
بہجت اس سر کی ہے جو ’’ بَہْجَۃُ الْاَسْرَار‘‘ میں ہے
کہ فَلک وار مُریدوں پہ ہے سایہ تیرا
bahjat us sar ki hai jo "bahjat ul asrar" mein hai
ke falak waar muridon pe hai saya tera
اے رضاؔ چیست غم ار جملہ جہاں دُشمنِ تُست
کردَہ اَم ما مَنِ خود قِبلَۂ حاجاتے را
ae raza chist gham ar jumla jahaan dushman-i tust
kurda am ma man-i khud qibla-e haajat-e ra
Share This Naat
Share with friends and family
الاماں قہر ہے اے غوث وہ تِیکھا تیرا
احمد رضا خان بریلوی