Manqabat
حقیقت میں ہو سجدہ جبہ سائی کا بہانہ ہو
حقیقت میں ہو سجدہ جبہ سائی کا بہانہ ہو
الہی میرا سر ہو اور ان کا آستانہ ہو
Haqiqat mein ho sajda jabah saai ka bahanah ho
Ilahi mera sar ho aur un ka aastanah ho
تمنا ہے کہ میری روح جب تن سے روانہ ہو
دم آنکھوں میں ہو اور پیش نظر وہ آستانہ ہو
Tamanna hai ke meri rooh jab tan se rawanah ho
Dam aankhon mein ho aur paish e nazar wo aastanah ho
زباں جب تک ہے ، اور جب تک زباں میں تاب گویائی
تری باتیں ہوں تیرا ذکر ہو تیرا فسانہ ہو
Zuban jab tak hai, aur jab tak zuban mein taab goyai
Teri baatein hon tera zikr ho tera fasana ho
مری آنکھیں بنیں آئینہ حسن روئے صابر کا
دل صد چاک ان کی عنبریں زلفوں کا شانہ ہو
Meri aankhein banein aina husn e roye Sabir ka
Dil sad chaak un ki anbari zulfoun ka shanah ho
بلا اس کی ڈرے پھر گرمئی خورشید محشر سے
ترے لطف وکرم کا جس کے سر پہ شامیانہ ہو
Bala is ki dare phir garmiye khursheed e Mahshar se
Tere lutf o karam ka jis ke sar pe shamiyaana ho
انہیں تو مشق تیر ناز کی دھن ہے وہ کیا جانیں
کسی کی جان جائے یا کسی کا دل نشانہ ہو
Unhein to mashq e teer e naaz ki dhun hai wo kya jaanen
Kisi ki jaan jaye ya kisi ka dil nishana ho
نہ پوچھ اس عندلیب سوختہ ساماں کی حالت کو
نفس کے سامنے برباد جس کا آشیانہ ہو
Na pooch is andaleeb e sokhta saaman ki haalat ko
Nafs ke samne barbaad jis ka aashiyana ho
سر بیدم ازل کے دن سے ہے وقف جبیں سائی
کسی کا نقش پا ہو اور کوئی آستانہ ہو
Sar Bedam azal ke din se hai waqf jabeen saai
Kisi ka naqsh e pa ho aur koi aastanah ho
Share This Naat
Share with friends and family
حقیقت میں ہو سجدہ جبہ سائی کا بہانہ ہو
بیدم شاہ وارثی