چلا ایک بچّہ سفر پر چلا
بہت دُور کی رہ گُزر پر چلا
Chala aik bachcha safar par chala
Bohat door ki reh guzar par chala
اسے راہ میں کچھ بسیرے ملے
بسیروں میں ظالم لٹیرے ملے
Usay raah mein kuch basiray mile
Basiro mein zaalim luteere mile
لٹیروں نے جامہ تلاشی بھی لی
مگر اُس کی جیبوں میں کوڑی نہ تھی
Luteeron ne jaama talaashi bhi li
Magar us ki jebon mein kordi na thi
انھوں نے کہا تُو ہی لڑکے بتا
تِرے پاس پیسہ نہیں کوئی کیا
Inho ne kaha tu hi larke bata
Tire paas paisa nahi koi kya
وُہ بولا رقم ہے چھپائی ہُوئی
ہے کُرتے کے اندر سِلائی ہُوئی
Wo bola raqam hai chhupai hui
Hai kurte ke andar silai hui
لٹیروں نے سُن کر کہا خُوب ہے
یہ بچّہ ہے یا کوئی مجذوب ہے
Luteeron ne sun kar kaha khoob hai
Yeh bachcha hai ya koi majzoob hai
وہ بولے رقم کا پتا کیوں دِیا
ہمیں بھید اپنا بتا کیوں دِیا
Wo bole raqam ka pata kyun diya
Humein bhed apna bata kyun diya
تو بچّے نے اُن کو دِیا یہ جواب
مَیں کیوں اپنا ایمان کرتا خراب
To bachche ne un ko diya yeh jawab
Main kyun apna imaan karta kharab
مِری ماں کی ہے یہ نصیحت مجھے
نہیں جھُوٹ کہنے کی عادت مجھے
Meri maan ki hai yeh nasihaat mujhe
Nahi jhoot kehne ki aadat mujhe
خُدا بھی تو جھُوٹوں سے نفرت کرے
جو سچّے ہیں ان سے محبّت کرے
Khuda bhi to jhooton se nafrat kare
Jo sachche hain un se mohabbat kare
عقیدہ مِرا ڈول سکتا نہیں
کبھی جُھوٹ مَیں بول سکتا نہیں
Aqeeda mera dol sakta nahi
Kabhi jhoot main bol sakta nahi
سُنا یہ تو حیران ڈاکو ہُوئے
وُہ بچّے کے آگے دوزانو ہُوئے
Suna yeh to hairaan daaku hue
Wo bachche ke aage dozaanu hue
اَدب سے اُسے پیار کرنے لگے
صداقت کا اِقرار کرنے لگے
Adab se use pyaar karne lage
Sadaqat ka iqraar karne lage
ڈکیتی سے توبہ لٹیروں نے کی
اُجالوں سے اُلفت اندھیروں نے کی
Dakeeti se tauba luteeron ne ki
Ujalo se ulfat andhero ne ki
مدد سچّے لوگوں کی ہو غیب سے
بچاتی ہے سچّائی ہر عیب سے
Madad sachche logon ki ho ghyb se
Bachaati hai sachai har aib se
Share This Naat
Share with friends and family
(بچوں کے لِیےایک نظم) سچّائی
مظفر وارثی