اس قدر تیری حرارت مرے ایمان میں آئے
موت بستر پہ نہ آئے مجھے میدان میں آئے
As qadar teri hararat mere imaan mein aaye
Maut bistar pe na aaye mujhe maidan mein aaye
ساری دنیا کے یزیدوں کو مٹا سکتا ہے
تیرا ایثار اگر آج کے انسان میں آئے
Saari duniya ke yazidon ko mita sakta hai
Tera eesaar agar aaj ke insaan mein aaye
کوئی کردار حسین ابن علی سالے کر
کوئی بھی قوم کسی عہد کے ایوان میں آئے
Koi kirdaar Husain Ibn Ali sale kar
Koi bhi qaum kisi ehed ke ewaan mein aaye
جب نویں شب کے چراغوں کو بجھا کر دیکھوں
تیرے اندر کا اجالا مرے وجدان میں آئے
Jab nawin shab ke charaghon ko bhujha kar dekhoon
Tere andar ka ujala mere wajdan mein aaye
جس طرح ریت پہ بکھرے تھے محمدؐ زادے
اس طرح تو کوئی آندھی بھی نہ کھلیان میں آئے
Jis tarah rait pe bikhre the Muhammad (SAW) zaade
Is tarah to koi aandhi bhi na khilyaan mein aaye
کربلا اس کے گھرانے کی یہ سب لاشیں ہیں
تذکرہ جس کا ہر اک آیہء قرآن میں آئے
Karbala us ke gharane ki yeh sab laashen hain
Tazkira jis ka har ek aayah-e-Quran mein aaye
جب کسی شمر کا خنجر مجھے للکارتا ہے
ضرب شبیر کی آواز مرے کان میں آئے
Jab kisi Shimr ka khanjar mujhe lalkarta hai
Zarb-e-Shabbir ki awaaz mere kaan mein aaye
اس کے جمہور کے لہجے میں دعا مانگتا ہوں
ملک میرا نہ الہٰی کسی بحران میں آئے
Us ke jumhoor ke lehje mein dua mangta hoon
Mulk mera na ilahi kisi buhran mein aaye
ہر طرف آج مظفر نہ بہے خون اس کا
اپنے اسلاف کا جذبہ جو مسلمان میں آئے
Har taraf aaj Muzaffar na bahe khoon us ka
Apne aslaaf ka jazba jo Musalman mein aaye
Share This Naat
Share with friends and family
اس قدر تیری حرارت مرے ایمان میں آئے
مظفر وارثی