ترے پنگھٹ سے بادل اپنی گاگر بھرنے آتے ہیں
زمانے بھر کے پیاسے پیاس عمروں کی بجھاتے ہیں
Tere panghat se badal apni gaggar bharne aate hain
Zamane bhar ke pyase pyas umron ki bujhate hain
دلوں میں غوطہ زن ہوتی ہے گہرائی سمندر کی
کنارا ان کو ملتا ہے جو تجھ میں ڈوب جاتے ہیں
Dilon mein ghotah zan hoti hai gehrayee samandar ki
Kinara un ko milta hai jo tujhmein doob jaate hain
پرو لیتے ہیں تیری آہٹیں جو اپنی سانسوں میں
اُنہیں آفاق اپنی خانقاہوں میں بلاتے ہیں
Pro lete hain teri aahatien jo apni sanson mein
Unhen aafaaq apni khanqahon mein bulate hain
سگِ دہلیز ہوں خاک قدم ہوں اُن کا منگتا ہوں
اکیلا ہوں مگر اُن سے مرے کتنے ہی ناتے ہیں
Sg-e-dehleez hoon khak-e-qadam hoon un ka mangta hoon
Akela hoon magar un se mere kitne hi nate hain
جمالِ مصطفےٰؐ سے منسلک ہوتی ہیں جب آنکھیں
فرشتے میرے اشکوں کی زیارت کرنے آتے ہیں
Jamal-e-Mustafa (SAW) se munsaliq hoti hai jab aankhen
Farishta mere ashkon ki ziarat karne aate hain
محبت کا تری جو میں نے دل میں گھر بنایا ہے
چراغ اُس کی منڈیروں پر اندھیرے خود جلاتے ہیں
Mohabbat ka teri jo maine dil mein ghar banaya hai
Charagh uski mandiron par andheray khud jalate hain
بس اتنا واسطہ ہے آپؐ کے بازار سے اپنا
خریداری تو کر سکتے نہیں بولی لگاتے ہیں
Bas itna wastaa hai aap (SAW) ke bazaar se apna
Kharidari to kar sakte nahi boli lagate hain
مدینے کا علاقہ بھی مظفّر دیکھ آیا ہوں
نکلتا ہے زمیں پر چاند تارے جگمگاتے ہیں
Madine ka ilaqa bhi Muzaffar dekh aaya hoon
Nikalta hai zameen par chand tare jagmagate hain
Share This Naat
Share with friends and family
ترے پنگھٹ سے بادل اپنی گاگر بھرنے آتے ہیں
مظفر وارثی