قابلِ دید ہیں سب ماہ لقا لڑکے ہیں
نُور ہیں آپ نبیؐ ، نُور نُما لڑکے ہیں
Qabil-e-deed hain sab maah laqa larke hain
Noor hain aap Nabiؐ, noor numa larke hain
مَہ وخورشید کی تابندہ فضا لڑکے ہیں
اپنے محبوبؐ کو خالق کی عطا ، لڑکے ہیں
Mah-o-khursheed ki tabindah fizaa larke hain
Apne mahboobؐ ko Khaaliq ki ataa, larke hain
طیّب اچھّے ہیں ، بَراہیم نہایت اچھّے
واقعی سارے زمانے سے جُدا لڑکے ہیں
Tayyib ach-chay hain, Barahim nihayat ach-chay
Waqai saaray zamane se juda larke hain
رحمتیں خاص ہُوئیں قاسِم و عبداللہ پر
نُور ہی نُور سراپا بخدا لڑکے ہیں
Rehmatain khaas hu'een Qasim o Abdullah par
Noor hi noor saraapa bakhuda larke hain
صُورت اچھّی ہے تو فطرت میں پدر کا انداز
حاصلِ سلسلہ صدق و صفا لڑکے ہیں
Soorat achi hai to fitrat mein pidar ka andaaz
Haasil-e-silsila sidq o safa larke hain
اِن کے بے مثل روایات ہیں شاہد اِس پر
محرمِ شیوہ تسلیم و رِضا لڑکے ہیں
In ke be misal riwayaat hain shaahid is par
Meharam-e-shewa tasleem o ri'za larke hain
اِن کی توصیف، حقیقت میں سعادت ہے نصیؔر
نُورِ چشمانِ نبیؐ ، شانِ خدا لڑکے ہیں
In ki toseef, haqeeqat mein sa'adat hai Naseer
Noor-e-chashman-e-Nabiؐ, shaan-e-Khuda larke hain
Share This Naat
Share with friends and family
قابلِ دید ہیں سب ماہ لقا لڑکے ہیں
سید نصیرالدیں نصیر