Manqabat
ہر قدم پر ہمیں بخشے گا سہارا داتاؒ
ہر قدم پر ہمیں بخشے گا سہارا داتاؒ
صدرِ ایوانِ ولایت ہے، ہمارا داتاؒ
Har qadam par hamen bakshe ga sahara Data (ؒ)
Sadar-e-Ewan-e-Vilayat hai, hamara Data (ؒ)
کیوں نہ ہو مجھ کو دل و جان سے پیارا ، داتاؒ
زیست بحرِ مُتلاطِم ہے ، کنارہ داتاؒ
Kyun na ho mujh ko dil o jaan se piyaara, Data (ؒ)
Zeest bahr-e-mutalaatim hai, kinara Data (ؒ)
روشنی شمعِ شریعت کی بڑھی ہے تُم سے
گُلشنِ دینِ متیں، تُم نے سنوارا داتاؒ
Roshni shama-e-Shariat ki barhi hai tum se
Gulshan-e-din-e-mateen, tum ne sanwara Data (ؒ)
دل ہوں انوار سے معمور، مقدّر جاگیں
جس طرف ہو تِری رحمت کا اشارا داتاؒ
Dil hon anwar se maamoor, muqaddar jaagen
Jis taraf ho teri rehmat ka ishara Data (ؒ)
دیکھئے دیکھئے بس ایک نظر میری طرف
کیجئے کیجئے زحمت یہ گوارا داتاؒ
Dekhiye dekhiye bas ek nazar meri taraf
Kijiye kijiye zahmat ye gawara Data (ؒ)
بس یہی میری دُعا ہے، یہی حسرت میری
حاضری ہو تری چوکھٹ پہ دوبارہ، داتاؒ
Bas yehi meri dua hai, yehi hasrat meri
Hazari ho teri chaukhat pe dobaara, Data (ؒ)
دلِ بے تاب کی تسکین مِرے بس میں نہیں
لو سنبھالو کہ یہ ہے کام تمہارا داتاؒ
Dil-e-betaab ki taskeen mere bas mein nahi
Lo sambhalo ke ye hai kaam tumhara Data (ؒ)
بند کی آنکھ درِ پاک پہ جا پہنچا مَیں
جب بہت دید کی حسرت نے اُبھارا داتاؒ
Band ki aankh dar-e-paak pe ja pohooncha main
Jab bohot deed ki hasrat ne ubhaara Data (ؒ)
آپ کی چشمِ کرم جس کی طرف اُٹھ جائے
دین و دُنیا میں نہ ہو اُس کو خسارا داتاؒ
Aap ki chashm-e-karam jis ki taraf uth jaye
Deen o duniya mein na ho us ko khasara Data (ؒ)
پیشواؤں میں نصیؔر اِس کی نہیں کوئی مثال
کچھ کہے کوئی ہمارا ہے ہمارا داتاؒ
Peshawaon mein Naseer is ki nahi koi misaal
Kuch kahe koi hamara hai hamara Data (ؒ)
Share This Naat
Share with friends and family
ہر قدم پر ہمیں بخشے گا سہارا داتاؒ
سید نصیرالدیں نصیر